appelleroit compaignons ou aliés. Sus
la fin des parlemens il fu dit et arresté
pour le meilleur que environ la Magda
leine, le roy englois s’esmouveroit et
venroit mettre le siege devant la cité
de Tournay et la y devoient estre avec
lui tous les seigneurs dessus nomméz
avec leur mandement de chevaliers
et d’escuiers et le pouoir des bonnes villes
si se partirent sus cel estat que pour eulx
retraire en leur paÿs et appareillier
souffisant chascun selon ce qu’il appartenoit.
SHF 1-119 sync Le commencement du siege de Tournay.
Or sçot le roy Phelippe asséz tost
aprés le departement de ces sei
gneurs qui a Vilvort avoient esté la plus
grant partie de l’ordonnance de ce par
lement et comment le roy englois devoit
venir assegier la cité de Tournay. S’y
s’avisa qu’il la conforteroit tellement et
y envoieroit si bonne chevalerie que
la cité seroit toute seure et bien conseillee.
Si y envoia droitement fleur de che
valerie, le conte Raoul d’Eu et le joenne
conte de Guines, son filz, connestable de
France, le conte de Fois et ses freres, le
conte Aimery de Nerbonne, monseigneur Aimart
de Poitiers, monseigneur Gieufroy de Chargny,
monseigneur Girart de Monfaucon, ses II mares
chaux, monseigneur Robert Bertran et monseigneur
Mahieu de Frie, le seigneur de Karens, le
seneschal de Poitou, le seigneur de Chastillon
et monseigneur Jehan de Landas. Ceulx avoient
avec eulx chevaliers et escuiers preux aux
armes et tresbonnes gens. Si leur pria
le dit roy chierement qu’ilz voulsissent
si bien penser et soingnier de Tournay
que nul dommage ne s’en prenist. Et ilz
lui orent en couvent. Adont s’en partirent
il d’Arras et du roy de France et chevau
cierent tant par leurs journees qu’ilz
vindrent a Tournay si y trouverent
monseigneur Godemar du Fay, qui en devant y
avoit esté envoie lequel les reçut liement
et aussi firent tous les hommes de la ville.
Asséz tost aprés qu’ilz furent venuz ilz
regarderent et firent regarder aux pb 46 v