chevaucier et de traire pardevers ses
ennemiz si s’esmut et chascun le suiy ainsi
que ordonné estoit. Et firent tant par leurs
petites journees qu’ilz vindrent a une petite
riviere qui est a trois lieues pres de Tournay,
laquelle est moult parfonde et environnee
de si grans maréz que on ne le pouoit
passer se non parmy un petit chemin s’y
estroit que un seul homme a cheval seroit
asséz ensonniéz de passer oultre. Si loga
tout l’ost sus les champs sans passer la
riviere car ilz ne peussent. L’endemain les
ostz demourerent tous quoys. Les seigneurs
qui estoient deléz le roy orent conseil com
ment ilz peussent faire pons pour passer
la riviere et les crolieres plus aise et plus
seurement. Si furent envoyéz aucuns
chevaliers et ouvriers pour regarder le
passage mais quant ilz orent tout veü
ilz regarderent qu’ilz perdoient le temps.
Si raporterent au roy qu’il n’y avoit point
de passage fors par le pont a Tressin tant
seulement. Si demoura la chose en cel
estat et se logierent les seigneurs chascun
sire a par lui et entre ses gens. Les nou
velles alerent par tout que le roy de France
estoit logié au pont a Tressin et entre le
pont de Bouvines en entente de combatre
ses ennemiz. Si que toutes manieres de
gens d’onneur qui se desiroient avancier
et a acquerre grace par fait d’armes se
traioient celle part tant d’un léz comme
de l’autre. Or avint que III chevaliers
alemans qui se tenoient ou chastel de Bou
chain furent enforméz que les II roys
s’approuchoient durement et que on sup
posoit bien qu’ilz se combateroient. De quoy
les deux prierent tant a leur compaignon
qu’il s’accorda a ce qu’il de mourroit et les
autres yroient devant Tournay querre
les aventures. Et il garderoit la forteresse
bien et soingneusement jusques a leur retour.
Si se partirent les deux chevaliers dont
on clamoit l’un monseigneur Conrat d’Asko, et
l’autre monseigneur Conrat de Lensemich et che
vaucierent tant qu’ilz vindrent vers
Escauppons dessus Valenciennes. Car ilz
vouloient passer l’Escaut a Condet. S’y
oirent entre Frasne et Escaupons grant effroypb 49 r