randon contre mur. Et tant bouterent et
si vertueusement qu’ilz partriusierent le mur
de l’abbaie et rompirent en pluseurs lieux
et entrerent ens abandonneement et
passerent une petite riviere qui la est
et s’en vindrent sans contredit jusques a
une place qui est devant l’eglise ou le mar
chié de pluseurs choses est. Et la estoit le dit
chastellain de Carcassonne en bon couvenant
sa baniere devant lui qui estoit de gueules
a I chief d’argent a II kiennons ou chief
et estoit a une bordure d’asur endentee. La
deléz lui s’estoient acueilliz pluseurs compaignons
de son paÿs qui asséz hardiement receurent
les Henuiers et se combatirent vaillem
ment tant qu’ilz peurent mais leur
defense ne leur valu neant car les Henu
iers y survindrent a trop grant plenté.
Et vous dy encore pour tout ramente
voir. A entrer de premiers dedens l’abbaie
Il y avoit I moine qui s’appelloit domp
Froissart. Cil fist merveilles, car il
en occist et mehaingna au devant d’un
partuis ou il se tenoit plus de XVIII et
n’osoit nul entrer par le lieu qu’il gardoit.
Mais finablement il le couvint partir
car il vit que les Henuiers entroient
en l’abbaie et avoit partuisié le mur
en pluseurs lieux si se sauva le dit moine
au mieux qu’il pot et fist tant qu’il vint
a Mortaigne.
SHF 1-130 sync Quant le conte de Haynau et messire
Jehan de Haynau son oncle et la
chevalerie de Haynau furent entréz en
l’abbaie, si comme vous avéz oy, si com
manda que tout fust miz a l’espee sans
nullui prendre a mercy. Tant estoit
il courroucié sur ceulx de Saint Amant
pour les despis qu’ilz avoient fais a son
paÿs. Si fu la dicte ville moult tost emplie
de gens d’armes et bidaux et Genevois
qui la estoient enchaciés et quiz de rue
en rue et d’ostel en hostel. Pou en eschapa
qu’ilz ne fussent tous occiz et meismement
le seneschal de Carcassonne y fu tuéz
soubz sa baniere et plus de CC hommes
environ lui. Ainsi fu Saint Amant
destruite. Et retourna le conte ce soir
devant Tournay. Et l’endemain les gens