Saint Omer. Et estoient leans espars sans
cappitaine et sans arroy. Les François vindrent
soudemement sur eulx, lances abaissiees,
banieres d’esploiees et en bon couvenant de
bataille en escriant : Clermont! Clermont!
Au dauphin d’Auvergne! Lors entrerent en
ces Flamens qui furent tous esbahiz et
ne tindrent ordonnance ne conroy mais
fuirent chascun qui mieux mieux et getterent
tout juz ce que chargié avoient et pristrent
les champs et François aprés eulx tuant
et abatant par monciaux et par troppiaux.
Et dura ceste chace bien II lieues. Et y
eut bien mors des IIIIM XVIIIC et retenu IIIIC
qui furent amenéz a Saint Omer en bonne
prison.
SHF 1-134 sync Quant le demourant qui eschappéz
furent vindrent en l’ost devers leurs
compaignons si leur compterent l’aventure
et en vindrent les nouvelles a messire Robert
d’Artois et a monseigneur Henry de Flandres, qui
petit les plaingnoient. Ains disoient que
c’estoit bien emploie car sans conseil et sans
commandement ilz y estoient aléz. Or avint
celle meisme nuit que ces Flamens gisoient
en leurs tentes et dormoient a l’eure de
mienuit un si grant paour et telle hideur
les prist generalment en dormant qui tous
se leverent en si grant haste et en tele paine
qu’ilz ne cuidierent jamais estre a temps
deslogiés, si abatirent tantost trefs, tentes et
pavillons et trousserent en si grant haste
que l’un n’attendoit point l’autre et s’en
fuioient tous sans voie tenir et sans conroy.
Et fu ainsi dit a monseigneur Robert d’Artois et a
monseigneur Henry de Flandres qui dormoient en
leurs logis : "Chiers sire, levéz vous tost et vous
appareilliés car voz gens s’en fuient et nul
ne leurs chace et ne sceuent a dire qu’il leur
fault." Adont se leverent ces II seigneurs
hastivement et firent alumer feus et tortiz
si monterent sur leurs chevaux et coururent
au devant d’eulx et distrent : "Beaux seigneurs,
dictes nous qui vous vous muet a fuir? N’estes vous
mie bien asseuréz? Retournéz, ou nom de
Dieu!" Mais quoyqu’ilz fussent priéz et requiz
ilz fuirent toudiz et prist chascun le chemin
vers sa maison au plus droit qu’il peut.
Et dont ces deux seigneurs firent mettre a pb 53 r