en legation en la cité d’Arras. Et ce que
ces parties ordonneroient les II roys le
tenroient et confermeroient sans nul
moien. Et fu la dicte treve accordé par telle
condition que chascun devoit tenir paysible
ment ce dont il estoit saisy. Et dont chascun
retourna en son ost, si le firent crier par
tout l’ost d’une partie et d’autre, dont les
Brebançons curent grant joye. Car ilz
eurent la esté un grant temps moult a
enviz. Qui l’endemain sitost que jour fu
peust veoir tentes abatre chars chargier
gens forhaster, emblaver et entouillier.
Bien peust dire : "Je voy un nouvel siecle."
SHF 1-136 sync Ainsi comme vous avéz oy, se depar
tirent ces II grans ostz par le
traveil et pourchas de celle dame a qui
Dieu face mercy. Et demoura la cité de
Tournay franchement et entiere qui
avoit esté en tresgrant paine et peril.
Car toutes leurs pourveances failloient
et n’avoient mie pour IIII jours a vivre.
Les Braibançons se pristrent a raller
hastivement car grant desir en avoient.
Le roy englois se departi moult a envis
s’il peust et se a sa voulenté en fust mais
il lui couvenoit suivir parite de la vou
lenté des autres seigneurs et croire leur
conseil. Le joenne conte de Haynau et
messire Jehan de Haynau son oncle se fusent
aussi bien a envis accorde a celle departie
s’ilz sceussent aussi bien le couvenant de
ceulx dedens Tournay comme le roy Phelippe
faisoit. Et se ne fust ce que le duc de Brai
bant leur avoit dit secretement qu’il detenoit
a grant mesaise ses Braibançons et com
ment que fust il ne les pouoit tenir qu’ilz
ne deussent partir le jour ou l’endemain
se acccort ne se faisoit. Le roy de France
et tout son ost se departi asséz liement
car ilz ne pouoient bonnement plus
demourer la endroit pour la punaisie
des bestes que on tuoit si pres de leur
ost et pour le chaut qu’il faisoit. Et si pen
soient en leur part a avoir l’onneur de
celle de partie si comme ilz disoient pour
la raison de ce qu’ilz avoient rescousse et
gardee destre perdue la bonne cité de Tournay