y venoit il nous pourroit durement porter
grant dommage et pourroit avoir plus
belle entree de venir pardeça meismement
quant il aroit le paÿs et les forteresces de
Bretaigne a son accort." Adont messire Charles
de Blois enclina a son oncle en merciant
durement de ce qu’il disoit et promettoit.
Si para tantost la endroit le duc de Normandie
son cousin, le conte d’Alençon son oncle, le
duc de Bourgoingne, le conte de Blois, son
frere, le duc de Bourbon, monseigneur Loÿs d’Espaigne,
monseigneur Jaques de Bourbon, le conte d’Eu con
nestable de France et le conte de Guines son
filz, le viconte de Rohan et en aprés tous
les contes, les princes et les barons qui la
estoient qui tous lui eurent en couvent
qu’ilz yroient voulentiers avec lui et
avec le duc de Normandie leur seigneur
chascun a tout tant de gens et de compaignie
qu’il pourroit avoir. Puis se departirent
tous ces princes et ces barons pour eulx
appareillier et faire pourveances ainsi qu’il
leur besoingnoit pour aler en si loingtain
paÿs et en si diverses marches. Et bien
pensoient qu’ilz ne pourroient avenir a
leur entente sans avoir grans contraires.
SHF 1-147 sync Quant tous ces seigneurs, le duc
de Normandie, le conte d’Alençon,
le duc de Bourgoingne, le duc de Bourbon
et les autres seigneurs, barons et chevaliers
qui devoient aler avec monseigneur Charles de
Blois pour lui aidier a reconquerre la duchié
de Bretaigne, ainsi que vous avéz oy, furent
prestz et leurs gens appareilliés, ilz se
partirent de Paris les aucuns et les au
cuns de leurs lieux et son alerent les
uns aprés les autres. Et se assemblerent en
la cité d’Angiers puis s’en alerent jusques
Auchain, qui est la fin du royaume a ce
costé de la. Et sejournerent la endroit
III jours pour mieux ordonner leur
conroy et leur charroy. Puis yssirent
hors pour entrer ou paÿs de Bretaigne.
Quant ilz furent aux champs, ilz consi
dererent leur pouoir et estimerent leur
ost a VIM armeures de fer sans les Genevois
qui estoient la IIIM, si comme jay oy recorder,
et les conduisoient II chevaliers de Jennes,