et de chevaliers de France qui la estoient
nouvellement venuz telz que monseigneur Loÿs
de Poitiers, conte de Valence, le conte d’Au
cuerre, le conte de Porsion, le conte de Jouy,
le conte de Bouloingne et pluseurs autres
que le roy Phelippe y avoit envoiéz pour recon
forter son nepveu et aucuns y estoient
venuz de leur voulenté pour venir veoir
et servir monseigneur Charles de Bloys. Et encore
n’estoit le fort chastel d’Aulroy gaingnié
mais ceulz dedens estoient si appresséz de
famine qu’ilz avoient mengié par VIII jours
tous leurs chevaux et ne les vouloit on
prendre a mercy s’ilz ne se rendoient simple
ment. Quant ilz virent que mourir leur
couvenoit, ilz yssirent hors couvertement
par nuit et se mistrent en la voulenté de Dieu
et passerent tout parmy l’ost a un des
costéz. Aucuns en furent apparceuz et tuéz
mais messire Henry de Pennefort et messire
Olivier son frere et pluseurs autres eschay
perent par un bosquet qui la estoit et en
alerent droit a Haimbont devers la con
tesse et les compaignons, chevaliers englois
et bretons, qui les receurent liement. Ainsi
reconquist messire Charles de Blois le fort
chastel d’Aulroy quant il y eut fiz par X
sepmaines et plus. Si le fist refaire et
rappareillier et bien garnir de gens d’armes
et de pourveances. Puis s’en party et s’en
ala a tout son ost assegier la cité de Vennnes
dont messire Gieufroy de Malestret estoit
cappitaine et se loga tout autour. A
l’endemain aucuns compaignons bretons
et soudoiers qui gisoient en une ville ap
pellee Ployeremel yssirent hors et se
mistrent en aventure de gaingnier si
vindrent estourmir l’ost monseigneur Charles et
se ferirent a l’un des corons secretement
mais ilz furent enclos et perdirent de
leurs gens grossement les autres furent
suiviz jusques a la ville de Ployeremel qui
est asséz pres de la cité de Vannes. Quant
ceulz de l’ost qui estoient arméz furent
retournéz de la chace, ilz alerent assaillir
la cité forment et roidement et gaignierent
par force les bailles jusques a la porte de la
cité et la eut pluseurs mors et n’avréz
d’une part et d’autre et dura l’assaut jusque
a la nuit. Lors fu accordé un respit qui devoit