The Online Froissart

Facsimile mode Settings Browse | Collate

de Hainau et tous les barons, chevaliers et escuiers
entrerent ens et pristrent leurs hostelz dedens
la ville de Brisco et ceulz qui ne se porent logier,
se herbergierent dehors. La fu pris le dessus
dit mesire Hue le pere et le conte d’Arondel et
amenéz devant la royne pour faire d’eulz
sa pure voulenté et aussi lui furent amenéz
les siens autres joennes enfans, Jehan son
filz et ses II fillettes qui furent la trouvees
en la garde du dit mesire Hue, de quoy la dame
ot grant joie quant elle vit ses enfans que
veüz n’avoit de grant temps et aussi orent
tous ceulz de son costé qui point n’amoient
les Despensiers. Et ceulz avoient grant joie
entr’eulz et selon ce pouoient avoir grant
dueil le roy et mesire Hue le Despensier le filz,
qui estoient en ce fort chastel enclos et qui veoient
leur meschief si grant qui leur couroit sus
si appertement et veoient tout le paÿs tourner
avec la royne et son ainsné filz et drecier et
esmeuz contre eulz, dont se ilz eurent douleur
et paour et asséz a penser ce ne fait point a
demander. SHF 1-14 sync La mort Hue le Despensier le vieil.
Quant la royne et tous les barons et les
autres furent herbergiés a leur aise, ilz
assegierent le chastel au plus tost qu’ilz porent
et au plus pres, et puis fist la royne ramener
mesire Hue le Despensier le vieil et le conte d’Arondel
devant son aisné filz et devant tous les barons
qui la estoient, et leur dist que elle et son filz leur
feroient droit et loy et bon jugement selon leurs
euvres. Adont respondy mesire Hue et dist : "Haa, ma
dame, Dieux nous vueille donner bon juge et
bon jugement, et se nous ne le pouons avoir en
ce siecle, si le nous doint en l’autre." Adont se leva
mesire Thomas Wage, bon chevalier, sage et courtois,
qui estoit mareschal de l’ost, et leur raconta tous
leurs fais par escript et tourna en droit sus
un vieil chevalier qui la estoit, afin qu’il raportast
sus ce feauté que a faire avoit de telz personnes
par jugement et de telz fais. Le chevalier s’en
conseilla aux autres barons et chevaliers et raporta
par plaine science qu’ilz avoient bien mort deservi
par pluseurs horribles fais qu’ilz avoient la
endroit oys raconter, et les tenoient pour vrays
et tous clers. Et avoient deservi par la diverseté
de leurs fais a estre justiciés en III manieres,
c’est assavoir premierement traynéz, aprés decoléz
et puis penduz a un gibet. Tout en tele maniere

qu’ilz furent jugiés, furent ilz tantost jus
ticiés pardevant le chastel de Brisco veant le
roy et veant le dit mesire Hue le filz et tous ceulz
de leans, qui grant despit en orent, et puet
chascun savoir qu’ilz estoient a grant
de cuer. Ceste justice fu faite l’an de Grace mil
IIIC XXVI, le jour de saint Denis en octobre.
SHF 1-15 sync Comment la royne prist le roy, son seigneur.
Aprés ce que ceste justice fu faite si comme
vous avéz oy, le roy et mesire Hue le Des
pensier, qui se veoient assegiés a tel angoisse
et a tel meschief et ne savoient nul confort
qui leur peust la endroit de nulle part venir, se
mistrent a une matinee entr’eulz deux a pou
de mesnie en un petit batel en mer par derriere
le chastel pour aler ou royaume de Galles, s’ilz
peussent, comme ceulz qui voulentiers se fussent
sauvéz. Mais Dieu ne voult mie souffrir ce car
leur pechié leur encombra. Si leur avint
grant merveille et grant miracle car ilz
furent XI jours tous plains en ce batelet
et s’efforçoient de nagier tant qu’ilz pouoient,
mais ilz ne pouoient si long nagier que
tous les jours le vent, qui leur estoit contraire
par la voulenté de Dieu, les ramenoit chascun
jour une fois ou deux a moins de la quarte
partie d’une lieue pres du dit chastel dont
ilz estoient partiz. Au derrain, avint que
mesire Henry de Biaumont, filz au viconte de
Beaumont en Engleterre, entra en une barge
et aussi avec lui aucuns compaignons et
se fist nagier devers ceulx et nagierent
tant et si fort que onques les mariniers
du roy ne porent tant fuir devant eulx
que finablement ilz ne fussent attains et
pris atout leur batel et ramenéz en la
ville de Brisco et livréz a madame la royne
et a son filz comme prisonniers, qui moult
en orent grant joie et aussi orent tous
les autres et a bonne cause car ilz avoient
acompli et achevé leur desir a l’aide de Dieu
tout a leur plaisir.
SHF 1-16 sync Ainsi reconquist la dicte royne le regne
d’Engleterre pour son ainsné filz sur
le confort et conduit de monseigneur Jehan de
Hainau et de sa compaignie, par quoy il et
les compaignons, qui en ce voiage furent
avec lui ainsi que vous oéz, furent tous
tenus pour preux par la raison de la haulte pb 7 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.