The Online Froissart

Facsimile mode Settings Browse | Collate

pb 71 v

du roy d’Engleterre qui fist un grant
mandement parmy son royaume pour
estre a Pasques en la cité d’Evruich ou
paÿs de Northombrelant pour aler en
Escoce destruire tout le paÿs.
Si vous diray pour quelle raison.
SHF 1-183 sync En ce temps que le Parlement estoit
a Londres des barons et seigneurs
d’Engleterre dessus dis sur l’estat que vous
avéz oy. Conseillierent les princes au
roy en bonne foy considerees les grosses
besoignes qu’il avoit a faire qu’il envoiast
l’evesque de Lincolle a son serourge le roy
David d’Escoce pour accorder une treve ferme
et estable s’il pouoit a durer II ans ou
III. Le roy a ce conseil s’accorda moult
emuz. Et lui sembloit grant blasme de
requerre son ennemy de treves selon ce
que on lui avoit fait de nouvel assavoir
mais les guerroieroit si fort que les dis
Escos seroient tous desirans de requerre
une treve. Les seigneurs lui distrent que
sauve sa grace ce n’estoit mie le meilleur
et que autrefois il avoit gastee toute
la terre d’Escoce. Et a present il avoit a faire
en tant de fors paÿs et disoient que on
tenoit a grant sens d’un seigneur quant
il a pluseurs guerres en un temps. Et
il en puet l’une atrever, l’autre apaisier,
la tierce guerroier. Tant lui moustrerent
de raisons qu’il si accorda et pria l’evesque
dessus dit qu’il y voulsist aler. Et y celui
prelat ne lui voult escondire. Ains se
mist en chemin celle part par Bauvais
mais il revint sans riens faire. S’y
raporta au roy d’Engleterre que le roy d’Escoce
n’avoit point conseil de donner treves,
ne souffrance, ne de faire nulle paix ne
accort sans le gre et consentement du
roy Phelippe de France. De ce raport eut le roy
Englois grant despit que devant tous
dist tout haut que ce seroit amendé tem
prement et qu’il atourneroit telement
le royaume d’Escoce que jamais ne seroit
recouvré. Si manda par tout son regne
que chascun fust a Evruich la feste de
Pasques. Appareilliés d’aler ou il les
vouldroit mener excepté ceulx qui en
Bretaigne devoient aler avec monseigneur
Robert d’Artois et la contesse de Monfort.

SHF 1-184 sync A ce jour de Pasques le roy Edouart
tint une grant court a Evruich. Tous
les princes, les seigneurs et chevaliers
d’Engleterre qui pour le temps estoient,
y furent et aussi grant foison de la
communauté du paÿs. Et furent la par
l’espace de III sepmaines sans chevaucier
plus avant car bonnes gens s’ensonnierent
entre le roy d’Engleterre et le roy d’Es
coce par quoy il n’y eut point adont
de guerre. Et fu une treve prise juree
et accordee a tenir deux ans. Et la
firent les Escos confermer du roy françois.
Par ainsi se deffist ceste grosse chevaucee.
Et departi le roy englois ses gens et
leur donna congié de raler en leurs hostelz.
Et il meismes s’en revint a Windesore
et envoia adont monseigneur Thomas de
Hollande et monseigneur Jehan de Hartelle a
Bayone atout CC armeures de fer et
CCC archiers pour garder les frontieres
contre les François. Or vous parlerons
de l’armee monseigneur Robert d’Artois et
de sa compaignie comment ilz arriverent
en Bretaigne.
En ce temps escheirent
les Pasques si haut que environ
Pasques Closes, l’en eut l’entree du moys
de may. De quoy en la moyenne de ce
mois la treve de monseigneur Charles de Blois
et de la contesse de Monfort devoit faillir.
Si estoit bien messire Charles enformé
du pourchas que la contesse avoit
fait en Engleterre du l’aide et confort que le
roy d’Engleterre lui devoit faire. Dont messire
Loÿs d’Espaigne, monseigneur Charles Grimans,
messire Othon Dorue estoient establiz sur
la mer a l’encontre de Grevesie, a IIIM
Genevois et M hommes d’armes et
XXXII gros vaisseaux tous arméz et
vautroient sur la mer attendans leur
revenue. D’autre part messire Gautier
de Mauny et les seigneurs d’Engleterre
et de Bretaigne qui dedens Haimbont
se tenoient estoient durement esmer
veilliés de leur contesse qu’elle demou
roit tant et si n’en ouoient nulles
certaines nouvelles. Nonpourquant
moult bien supposoient qu’elle ne sejour
noit mie a son aise et ne se doubtoient
d’autre chose que ce qu’elle peust avoir pb 72 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.