The Online Froissart

Facsimile mode Settings Browse | Collate

pb 76 r

chevaliers d’Engleterre qui seoient devant
la cité de Rennes firent un assaut tresgrant
et bien ordonné. Et avoient un grant temps
par avant appareillié aournemens et
instrumens pour assaillir. Et dura le dit
assaut un jour tout entier mais ilz ny
conquistrent neant. Ainçois y perdirent
des leurs dont il y eut plusieurs mors et
bleciés. Car il y avoit dedens de bons chevaliers
et escuiers de Bretaigne, le baron d’Ansenis,
le seigneur du Pont, messire Jehan de Malestret,
Yvain Charuel et Bertran de Claiekin, es
cuiers. Ceulx en soingnerent si vaillemment
avec l’evesque de la cité qu’ilz ny prindrent
point de dommage nonobstant ce si se
tindrent la toudiz les Englois et gasterent
tout le paÿs d’environ. Adont se party
de Nantes le duc de Normandie a tout
son grant ost et eut conseil qu’il se trairoit
devant Vennes. Car bien avoit entendu
que ceulz d’icelle cité estoient plus astrains
que ceulx de Rennes et en plus grant peril
d’estre perduz. Si s’arrouterent ces gens
d’armes et chevaucierent en bon arroy
quant ilz furent partiz de Nantes si les
conduisoient les II mareschaux et messire
Gieufroy de Chargni et le conte de Guines
connestable de France faisoient l’arriere
garde. Tant exploitierent ces gens d’armes
dont le duc de Normandie et messire Charles
de Blois estoient chiefs qu’ilz vindrent asséz
pres de Vennes d’autre part ou le roy d’Engleterre
estoit logiés. Si se logierent erraument
les François tout contreval un beau pré
grant et ample et tendirent tentes et
paveillons et toutes manieres de logeis
et firent faire les François beaux fosséz et
grans entour leur ost par quoy on ne
leur peust porter dommage. Si chevau
cierent a la fois leurs mareschaux et
messire Robert du Biaumanoir mareschal
pour le temps de Bretaigne et aloient escar
muchier souvent en l’ost des Englois. Et
les Englois aussi sur eulx. Si en y eut sou
vent de ruéz juz d’une part et d’autre.
Quant le roy d’Engleterre vit le duc de
Normandie venu contre lui a si grant
puissance, si remanda le conte de Salebrin,
le conte de Pennebrot et les autres chevaliers et
leurs gens qui se tenoient a siege devant

Rennes par quoy ilz fussent plus fors se
combatre les couvenoit. Si pouoient estre
les Englois et les Bretons de Montfort
environ XXVC hommes d’armes et VIM
archiers et IIIIM hommes de pié. Les François
estoient IIII tans et tous gens de bonne
estoffe et bien appareilliés. SHF 1-201 sync Comment par
treves se partirent de Bretaigne le roy
d’Engleterre et le duc de Normandie.
Moult furent ces II ostz devant
Vennes beaux et grans et avoit
le roy d’Engleterre basti son siege par telle maniere
que les François ne pouoient venir a lui
par nul avantage. Depuis que le duc de
Normandie fu la venuz ne fist le roy d’Engleterre
point assaillir a la cité de Vennes, car
il vouloit espargnier ses gens et son artil
lerie. En tele maniere se tindrent l’un et
l’autre un grant temps et bien avant en
l’iver. Si y envoia le pappe Clement VIe
qui regnoit pour le temps II cardinaux
en legation, le cardinal de Pinestres et le
cardinal de Clermont, qui souvent chevau
cierent de l’un ost a l’autre pour accorder
les parties, mais ilz les trouvoient sy
dures et si mal descendans a accort qu’ilz
ne les pouoient approuchier de nulle paix.
Ce traitié durant il y avoit souvent
des yssues et des escarmuches et des
poingneis l’un sur l’autre ainsi que les
foureurs se trouvoient. Si en y avoit
des pris et des ruéz juz. Et n’osoient
les Englois par especial aler en fourage
fors en grant compaignie car toutes
les fois qu’ilz chevauçoient, ilz estoient
en grant peril pour les embusches que
on mettoit sur eulx. Avec tout ce messire
Loÿs d’Espaigne et sa route gardoient
si longueusement les pas de la mer que
a grant paine venoit riens en l’ost des
Englois si y eurent moult de disettes et
estoit l’entention du duc de Normandie
et de ses gens qu’ilz tenoient la pour tout
assegié le roy d’Engleterre et tout son ost. Car
bien savoient qu’ilz avoient grant neccessité
de vivres et les eussent tenuz vraiement
en grant dangier. Car ilz estoient aussi
constrains du fréz temps et nuit et jour il
plouvoit et ce leur fist moult de paine
et perdirent la plus grant partie de leurs pb 76 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.