celui C escuz. Ces nouvelles s’espardirent
par tout dont se trait avant un ancien
homme durement qui en cuidoit savoir
aucune chose. Si vint a monseigneur Gautier
de Mauny et lui dist : "Certes, sire, je vous
cuide bien mener au lieu ou asséz pres
ou vostre seigneur de pere fu jadis en
seveliz." De ces nouvelles fu le sire de
Mauni tout joieux et dist se ses parolles
estoient trouvees vrayes qu’il tenroit
son couvent et encores oultre. Or vous
recorderay la matiere du pere au sei
gneur de Mauny.
SHF 1-231 sync Il eut jadis un
evesque en Cambresis qui fu Gascoing
de ceulx de Beu et de Mirepois, qui furent
grant lignaige et fort pour le temps de
lors en Gascoingne. Or avint que du temps
cestui evesque un tresgrant tournoiement
se fist au dehors de Cambray et y eut bien
a ce tournoiement VC chevaliers tour
noians richement arméz et montéz. Cil
s’adreça a monseigneur le Borgne de Mauny, pere
au dit monseigneur Gautier de Mauny, et a ses
freres qui estoient durs chevaliers roides
et fors et bien tournoians. Si fu telement
le chevalier gascoing mainé et batu
que onques puis le tournoiement il
n’eut sante et mouru. De la mort de
lui fu encoulpé le sire de Mauny et de
moura en la hayne et mautalent du
dit evesque de Cambray et de son linage.
Environ II ans ou III aprés bonnes
gens s’en ensomnerent et en fu la paix
faite et en nom d’amende et de paix. Ce
sire de Mauni en deut aler ainsi a Saint
Jaques de Galice. En ce temps qu’il fu
en ce voiage seant devant la ville de la
Riolle messire Charles, conte de Valois, frere
du beau roy Phelippe de France et avoit siz I
grant temps car elle se tenoit englesce
avec pluseurs autres ville et cités qui
estoient au roy d’Engleterre, pere a celui
qui assega Tournay. Si que le sire de
Mauny a son retour vint veoir le conte
de Valois. Car le conte Guillaume avoit es
pousee sa fille et lui moustra ses lettres
car il estoit la comme roy de France. Avint
que ce soir le sire de Mauny revenoit a
son hostel si fu espié et attendu du linage
de cellui pour qui il avoit fait le voiage