The Online Froissart

Facsimile mode Settings Browse | Collate

pb 89 v

par le conte de Bloys envers monseigneur Jehan
de Hainau qu’il voulsist estre françois et
il lui transporteroit la revenue qu’il
avoit en Engleterre en France et lui assi
gneroit se souffisant comme il plairoit a son
conseil. Le dit messire Jehan a ce traittié
ne s’acorda mie legierement car il avoit
la fleur de sa joennesce usé ou service
du roy d’Engleterre et si l’avoit toudiz
le roy moult honnoré. Quant le conte
Loÿs de Bloys, qui avoit sa fille a femme
et en avoit III filz, Loÿs, Jehan et Guy, vit
qu’il n’y pourroit entrer par celle maniere
si trouva moyen le sire de Fagunelles,
qui estoit compaignon au dit monseigneur
Jehan de Haynau et le plus grant de son
conseil. Si fu avise pour retraire le
dit messire Jehan de l’oppinion des Englois.
On lui fist entendant un grant temps
que on ne lui vouloit paier sa revenue
en Engleterre de ce se melancolia le
dit messire Jehan tellement qu’il renonca
aux fiefs aux couvenances et aux
seelléz qu’il avoit du roy d’Engleterre.
Tantost que le roy de France le sceut,
il envoia devers lui souffisant hommes
et le retint a lui a son conseil a
certains gaiges et le recompensa en
son royaume de tant de revenue et plus
qu’il tenoit en Engleterre. Ainsi demora
le dit messire Jehan de Haynau, sire de
Biaumont, françois tout son vivant.
SHF 1-241 sync La chevauciee que le duc Jehan de
Normandie fist en Gascoingne contre
le conte d’Erbi et les Englois.
Bien estoit enformé le roy Phelippe de
France des chevauciees et des
conqueséz que le conte d’Erbi avoit fait
ou paÿs de Gascoingne. Et comment il
avoit pris villes, cités et chasteaux et
le paÿs durement foulé et apovri, sy
en estoit moult courrouciés. Et avoit
fait un tresgrant et tresespecial man
dement que tous nobles et non nobles
dont on se pouoit aidier en fait d’armes
fussent en la cité d’Orleans et de Bourges
ou la environ dedens certains jours
qui y furent miz. Car il vouloit le
duc de Normandie son ainsné filz envoier
es marches de Gascoingne pour resister

a la puissance des Englois. Si s’esmurent
au mandement du roy grant foison
de ducs, de contes de barons et de chevaliers
du royaume et par especial de Bourgoingne
et de Normandie. Et vint a Paris le duc
Oedes de Bourgoingne, son filz le conte
d’Artois et de Bouloingne. Si se representerent
au dit roy et a son service a M lances.
Le roy les reçut et leur sceut grant gré de
leur service. Si firent ces II seigneurs
passer leurs gens oultre. Aprés vindrent
le duc de Bourbon, messire Jaquemes de
Bourbon, conte de Pontieu son frere, aussi
a grant foison de gens d’armes. Si revint
le conte d’Eu et de Guines, connestable de
France en grant arroy. Aussi le conte de
Tancarville, le dauphin d’Auvergne, le
conte de Forés, le conte de Dampmartin,
le conte de Vendosme, le sire de Coucy, le
sire de Craon, le sire de Sulli, l’evesque de
Beauvais, le sire de Fiennes, le sire de
Biaugeu, messire Jehan de Chaalon, le sire
de Roye et tant de barons et chevaliers
que jamais ne les arois tous nomméz.
Si s’assemblerent ces seigneurs et
leurs gens en la cité d’Orleans et la
environ voire ceulx pardeça Loire et
ceulx de la de Poitou, de Saintonge, de
La Rochelle, de Caoursin, de Limozin et
d’Auvergne es marches de Thoulouse.
Toutes ces gens d’armes passerent oultre
a grant exploit pardevers Roergue et
en trouverent grant foison de venuz
et assembléz en la cité de Rodais des mar
ches d’Auvergne et de Prouvence. Tant
firent ces seigneurs et ces gens d’armes
qu’ilz vindrent en la cité de Thoulouse
et environ car tous ne se peussent
mie logier en la cité car ilz estoient
CM testes armees et plus. Ce fu environ
le Noel, l’an M IIIC XLV.
SHF 1-242 sync Tantost aprés la feste de Noel, le
duc de Normandie se parti de
Thoulouse a tout son ost. Et fist devant
chevaucier ses mareschaux, le seigneur
de Montmorency et le seigneur de Saint
Venant. Si se trairent premierement
devant le chastel de Miremont que les
Englois avoient conquiz en celle saison,
si l’assaillirent forment. A ce jour avoit pb 90 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.