The Online Froissart

Facsimile mode Settings Browse | Collate

pb 90 r

il dedens environ C Englois qui le
gardoient avec le cappitaine un tres
bon escuier appellé Jehan de Bristo. Cil
avec ses compaignons le defendirent
tant comme ilz peurent mais il y eut si
dur assaut et si fort car messire Loÿs
d’Espaigne estoit la a grant multitude
d’arbalestiers genevois qui point ne s’espar
gnoient. Si que ceulx du chastel ne se
peurent onques si bien defendre que de
force ilz ne fussent pris et le chastel con
quiz et mort la plus grant partie de
ceulx qui dedens estoient et meismement
le cappitaine. Si le refreschirent les II
mareschaux de nouvelles gens et passerent
oultre, si vindrent devant Villefranche
en Aginois. La s’arresta tout l’ost et l’envi
ronnerent si l’assaillirent durement. A
ce dont n’y estoit point le cappitaine messire
Jehan Koc mais estoit a Bourdeaux devers
le conte d’Erbi, qui l’avoit mandé. Tous
eulz qui estoient dedens Villefranche a
ce jour, se defendirent vaillemment mais
finablement ilz furent pris de force et
occiz la plus grant partie des soudoiers
qui le gardoient. Et quant ilz en eurent
ansi exploitié, ilz passerent oultre et
laissierent le chastel sans garde tout
entier. Puis se trairent devant la cité
d’Angoulesme³⁵ et l’assegierent tout autour
car ilz estoient tant de gens que bien le
pouoient faire dedens avoit grant gar
inson depar les Englois et un escuier a
cappitaine qui s’appelloit Jehan de Nor
wich.
SHF 1-243 sync Quant le conte d’Erbi, qui se tenoit en
la cité de Bordeaux, entendy que le
duc de Normandie et ces seigneurs de
France estoient venuz a si grant ost pour
conquerre villes, citéz et chasteaux que
conquiz avoit et ja avoient reconquiz
Miremont et Villefranche et toute
robee et arse horsmiz le chastel il s’avisa
d’une chose qui bonne lui sembla. Il envoia
tantost IIII de ses chevaliers esquelx
il se fioit moult et leur dist qu’ilz pre
issent jusques a LX ou IIIIXX armeures
de fer et CCC archiers et s’en alassent
pardevers Villefranche et preissent le

chastel qui estoit demouréz vint et entier
et le meissent a point et les portes de la
ville aussi. Et se les François le venoient
encore assaillir qu’ilz le defendissent bien
car il les secourroit a quel meschief que
ce fust. Les chevaliers lui accorderent
voulentiers et se partirent de la cité de
Bourdeaux ainsi comme chargié leur
fu. Or vous nommeray les chevaliers:
messire Thomas Dombi, messire Richart
de Hebedon, messire Raoul de Hastingues
et messire Normant de Finefroide. Aprés
ce le conte d’Erbi pria au conte de Pennebrot,
a monseigneur Gautier de Mauni, a messire
Franque de Halle, a monseigneur Thomas Koc,
a monseigneur Jehan de Lille, a monseigneur Robert
de Nuefville, a monseigneur Thomas Biset, a
monseigneur Jehan de la Souche, a monseigneur Phelippe
de Biauvais, a monseigneur Richart de Rocleve
et a plusieurs autres chevaliers et escuiers
qu’ilz voulsissent aler a Aguillon et
garder la forteresce, car trop fort seroit
courrouciés se il le perdoit. Ceulx se
partirent qui estoient bien XL chevaliers
et escuiers et IIIC armeures de fer parmi
les archiers et s’en vindrent dedens le
fort chastel d’Aguillon, ou ilz trouverent
encore bien VIXX compaignons que le
conte d’Erbi y avoit laissiés. Si pour
veirent le dit chastel de vins, de farines,
de chairs et de toutes autres pourveances
bien et longuement a durer. Aussi les
IIII chevaliers dessus nomméz ordonnéz
pour aler a Villefranche chevaucierent
parmy le paÿs en alant celle part et
cueillirent grant foison de buefs, de
viches, de brebiz, de moutons, de blés, d’a
voines, farines et toutes autres pourveances
pour vivre et firent tout amener et
acharier dedens Villefranche et reprin
drent le chastel et le reparirent bien et
a point et releverent les murs et les
portes de la ville et furent tant qu’ilz
furent plus de XVC hommes tous
aidables et pourveuz de vivres pour
VI mois tous entiers.
SHF 1-244 sync Ces nouvelles sceus en l’ost devant
la cité d’Angoulesme,³⁵ le duc se
repenti moult qu’il avoit si simplement pb 90 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.