The Online Froissart

Facsimile mode Settings Browse | Collate

pb 91 r

car ilz furent tellement espars que en pou
d’eure furent tous ruéz jus et pris ou mors.
La fu pris le cappitaine et tous ceulz d’onneur
qui entour lui estoient et le demourant tout
mort. Puis chevaucierent les François vis
tement devers la ville et entrerent ens d’as
saut car elle estoit sans garde. La premiere
baniere qui y entra ce fu celle du duc de
Bourbon. Si se saisirent les seigneurs de
la ville et la refreschirent de nouvelles gens
et de cappitaine. Puis s’en partirent a toute
leur proie et leurs prisonniers et revindrent
l’endemain devant la cité d’Angoulesme.
SHF 1-245 sync Ainsi se tint des seigneurs de France
un grant temps le siege devant An
goulesme³⁵ et couroient les François tout le
paÿs que les Englois avoient conquiz et
y faisoient maint destourbier et ramenoient
souvent en leur ost des prisonniers et grans
proies quant ilz les trouvoient a point.
Et moult y acquistrent les II freres de
Bourbon grant grace car ilz estoient
toudiz des premiers chevauçans. Quant
Jehan de Norvich, souverain et cappitaine
d’Angoulesme, vit que le duc de Normandie
n’avoit talent de soy deslogier, s’il n’avoit
la cité a sa voulenté et sentoit que les pour
veances de leans amenrissoient et que
le conte d’Erbi ne faisoit nul semblant de
lever le siege et aussi que ceulx de la ville
se rendissent voulentiers de pieça s’ilz
osassent. Il se doubta de traison, si s’avisa
que a toues ces choses il pourverroit de
remede. Si se pensa d’une grant soutilleté.
Droitement la nuit de la Purification
Nostre Dame, il vint aux cremaux de la
cité tout seul sans soy descouvrir de chose
qu’il voulsist faire ne dire a nul homme
et fist signe de son chapperon qu’il vouloit
parler a qui que fust. Ceulx qui appar
ceurent ce signe vindrent celle part et
lui demanderent qu’il vouloit. Il respondi :
"Je parleroie voulentiers au duc de Nor
mandie ou a l’un de ses mareschaux." Ceulz
qui la estoient respondirent : "Demouréz la
un petit et nous yrons devers lui, si le ferons
venir sans faute." Adont se partirent de Jehan
de Norvich et vindrent au logeis du duc et
lui recorderent que le cappitaine d’Angoulesme

parleroit voulentiers a lui ou a l’un de ses
mareschaux. "Savéz vous de quoy?" dist le duc.
Ilz respondirent : "Nennil." Adont s’avisa le duc
et dist que il meismes y iroit. Si monta a
cheval et aucuns chevaliers de son ost et
chevaucierent jusques aux murs de la cité.
Si trouverent Jehan de Norvich qui s’apuioit
aux cremaux. Sitost qu’il vit le duc, il osta
son chaperon et le salua. Le duc adont dist :
"Jehan, comment va vous? Vouléz vous rendre?"
Il respondi : "Je ne sui mie de conseillié a
faire mais je vous voudroie prier que pour
la reverence du jour Nostre Dame, qui sera
demain vous nous accordissies un respit
a durer le jour de demain tant seulement,
par quoy les nostres ne les vostres ne peussent
grever l’un l’autre mais demourassent
en paix." Le duc qui n’y pensa que bien lui
accorda liement et dist : "Je le vueil."
Ainsi demoura la cité d’Angoulesme en
paix. Quant ce vint le jour de la
Chandeleur au matin Jehan de Norvich
s’arma et fist armer tous ses compaignons,
uns et autres, et enseller leurs chevaux
et tantost trousser tout leur harnois.
Puis fist ouvrir la porte et se mist hors
de la cité. Quant ceulx de l’ost virent
ces gens d’armes yssir ilz furent moult
esmerveilliés et esbahiz et se commença
l’ost a estourmir car ilz cuidierent que
les Englois leur venissent courre sus.
Adont s’avança Jehan de Norvich qui
chevauçoit tout devant et dist : "Seigneurs,
seigneurs, souffréz bons ne faites nul
mal aux nostres car nous avons treves
ce jour d’uy entier ainsi que vous savéz
accordees par monseigneur le duc de Normandie
et nous. Aussi se vous ne la savéz, si l’aléz
savoir car nous pouons bien sur ces
treves aler et chevaucier quel part que
nous voulons." Ces nouvelles vindrent
au duc pour savoir qu’il en vouloit dire
et faire. Il respondi : "Laissiés les aler de
par Dieu quel part qu’ilz vuellons. Nous
ne les pouons par raison constraindre a
demourer par bataille ne autrement. Je
leur tenray ce que je leur ay promiz." Ainsi
s’en ala Jehan de Norvich et sa route parmy
l’ost du duc de Normandie sans dommage pb 91 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.