The Online Froissart

Facsimile mode Settings Browse | Collate

pb 92 r

venuz, ilz considererent premierement qu’ilz
ne pouoient parvenir jusques a la for
teresce s’ilz ne passoient la riviere qui
est large longue et parfonde. Si com
manda le duc que un pont y fust fait
quoy qu’il d’eust couster. Lors vindrent
pour ce pont ouvrer plus de CCC char
pentiers qui y ouvroient jour et nuit.
Quant les chevaliers qui dedens Aguil
lon estoient, virent que ce pont estoit
fait a moitié oultre la riviere, ilz firent
appareillier III navies et entrerent ens.
Puis chacierent tous les charpentiers
en voies et les gardes aussi et deffirent
tantost tout ce qu’ilz avoient fait et
charpenté a grant paine par un temps.
Quant les seigneurs de France virent
ce, ilz firent appareillier autres navies
a l’encontre d’eulx et mistrent dedens
grant foison de gens d’armes, Genevois,
bidaus et arbalestiers, et commanderent
les charpentiers a ouvrer sur la fiance
de leurs gardes. Quant les ouvriers
eurent ouvre un jour jusques a midy
messire Gautier de Mauny et aucuns
de ses compaignons entrerent en leurs
nefs, si coururent sur ces ouvriers et
leurs gardes et en y eut foison de mors
et de bleciés et couvint aux ouvriers
laissier oeuvre et retourner arriere et
fu lors despechié quanqu’ilz avoient fait
et y laissierent des mors et des noyéz
grant plenté. Ce debat et celle richote
recommencierent chascun jour. Au
derrain les seigneurs de France y furent
si estoffeement et si bien garderent leurs
ouvriers que le pont fu fait bon et fort.
Si passerent adont les seigneurs et tout
leur ost oultre armé et ordonné par maniere
de bataille et assaillirent le chastel d’Aguillon
moult durement sans eulx espargnier.
Ce jour y eut tresgrant assaut et maint
homme blecié car ceulx dedens se defen
doient si vassaument que merveilles seroit
a recorder. Un jour entier dura l’assault
mais riens ny firent. Au soir retournerent
en leurs logeis pour eulx reposer et aisier.
Bien avoient de quoy car leur ost estoit
bien pourveu de tous biens. Ceulz du chastel

se retrairent aussi et mistrent a point ce
que rompu et brisie estoit car ilz avoient
foison d’ouvriers.
SHF 1-249 sync L’endemain ces seigneurs de France
s’assemblerent et regarderent entre
eulx comment ilz pourroient le mieulx
grever ceulz du chastel. Si ordonnerent pour
plus traveillier leurs ennemiz qu’ilz partiroient
leur ost en IIII parties desquelles la premiere
partie assaudroit du matin jusques a prime,
la seconde de prime jusques a midy, la tierce
de midy jusques a vespres, la quarte de vespres
jusques a la nuit. Car ilz pensoient que les
defendans ne pourroient tant durer. Lors
assaillirent par celle ordonnance V jours
ou VI mais ce ne leur valu riens. Ainçois y
perdirent grandement de leurs gens. Car
ceulx du chastel ne furent onques si recreans
comment qu’ilz fussent traveilliés oultre
mesure, qu’ilz ne s’abandonnassent au defendre
si vassaument que ceulz de l’ost ne peurent
riens gaigngnier sur eulx mais tant seu
lement le pont qui est devant le chastel.
Quant ilz virent que l’assaut ne leur
pouoit prouffiter ilz furent tout confuz
si envoierent querre VIII engins a Thou
louse les plus grans qui y fussent. Et
en firent faire IIII greigneurs d’asséz. Ces
XII engins firent getter jour et nuit sans
cesser pardedens le chastel mais ceulx de
dedens furent bien garitéz que oncques
pierre d’engin ne les greva fors aux tours
des manandies. Et avoient ceulx dedens
bons engins qui debrisoient tous les engins
de dehors et en pou d’eure en brisierent VI.
SHF 1-250 sync Ainsi estoit le chastel estoient d’Aguillon et
ceulx qui dedens estoient, assailli par
pluseurs manieres. Car presque toutes
les sepmaines les François trouvoient au
cune soutille maniere pour les plus grever
et aussi ceulx du chastel pour eulx defendre
avisoient aucune chose a l’encontre. Le
siege durant devant Aguillon avint sou
vent que messire Gautier de Mauny yssi
hors atout C ou VIIXX compaignons et
aloient par oultre la riviere de leur costé
fourer et ramenoient voyant ceulz de
l’ost souvent grant proie. Avint un jour
que messire Charles de Montmorency chevauçoit pb 92 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.