Online Froissart
Home  |  Navigate  |  Apparatus  |  Search  |  About the Edition  |  About the Project  |  Help
Facsimile mode    Settings    Browse  |  Collate      
Navigate | Close
Preferences
New York M804
Previous | Folio 96 v | Next
pb 96 v

garçons et des malfaiteurs asséz et gens
de petite conscience. Ainsi furent les Englois
seigneurs de la bonne ville de Caen III jours
et y conquistrent si grant avoir que mer
veilles seroit a penser. En ce sejour ilz enten
dirent a ordonner de leurs besoingnes sy
envoierent en barges et bateaux tout leur
gaing, draps, joyaux, vaisselemente d’or et
d’argent et toutes autres richesces dont ilz
avoient grant foison, sur la riviere a Austre
hen a II lieues en suz de la ou leur grosse
navie estoit, et eurent avis, par grant
deliberation, que leur navie a tout leur
conquest et leurs prisonniers ilz envoierent
arriere en Engleterre. Si fu ordonné le conte
de Hostidonne a estre conduiseur et souverain
de ceste navie atout IIC hommes d’armes
et VC archiers. Et acheta le roy d’Engleterre
le conte de Guines, connestable de France, et
le conte de Tancarville a monseigneur Thomas
de Hollande et a ses compaignons sy en
paya XXM nobles tous appareilliés.
SHF 1-263 sync Ainsi ordonna le roy d’Engleterre ses
besoingnes estans en la ville de Caen
et renvoia sa navie chargee d’or et d’avoir
conquiz et de bons prisonniers, dont il y
avoit ja plus de LX chevaliers et CCC
riches bourgois, et avec ce grant foison de
salus et d’amistiés a sa femme, la gentil royne
d’Engleterre, madame Phelippe. Puis quant le roy eut
fait sa voulenté de la ville de Caen, il s’en parti
et fist chevaucier ses mareschaux aussy
comme devant, l’un a l’un léz et l’autre a l’autre
léz, ardant et essillant le plat paÿs. Et prindrent
le chemin d’Evreux mais elle estoit trop
forte et bien fermee, si chevaucierent vers
une autre grosse ville que on claime Loviers,
qui adont estoit une ville en Normandie
ou on faisoit la plus grant plenté de drap
perie et estoit grosse et riche et moult mar
hande. Si entrerent les Englois dedens et la
conquistrent a pou de fait car elle n’estoit
point fermee. Toute fu courue, robee et
pillee sans deport. Tresgrant avoir y con
quistrent les Englois. Quant ilz en eurent
fait leur voulenté, si passerent oultre et
entrerent en la conté d’Evreux. Si l’ardirent
toute excepté les villes fermees et chasteaux,
qu’ilz n’assaillirent point. Car le roy vou
loit espargnier ses gens et son artillerie car

bien pensoit qu’il en aroit a faire. Ainsy
que messire Godefroy de Harecourt lui
avoit dit. Si se mist le roy et tout son ost
sur la riviere de Saine en approuchant
Rouen, ou il avoit grant foison de gens d’armes
de Normandie et en estoient cappitaines le
conte de Harecourt, frere a monseigneur Godefroy
et le conte de Dreux. Point ne tournerent
les Englois devers Rouen mais ilz alerent a
Gisors, ou il avoit bon chastel et fort. Sy
ardirent la ville mais au chastel ne porterent
ilz point de dommage. En aprés ilz ardirent
Vernon et tout le paÿs d’environ Rouen
et le Pont de l’Arche. Et vindrent ainsi jusquez
a Mante et Meulent et gasterent le paÿs
de la environ. Si passerent le fort chastel
de Roleboise mais point n’y assaillirent.
Et partout trouvoient sur la riviere de
Saine les pons deffais.
Comment messire Godefroy de Harecourt
combati les Amiennois pres de Paris.
Tant alerent qu’ilz vindrent jusquez
a Poissy, si trouverent le pont
rompu et deffait mais encore y estoient
les estaches et les gistes en la riviere. Si
s’arresta le roy d’Engleterre et y sejourna V jours.
Endementiers fu le pont refait bon et
fort pour passer son ost aisiement et sans
peril. Si coururent ses mareschaux jusquez
bien pres de Paris et ardirent Saint Germain
en Laye, la Monjoie, Saint Clou, Petite
Bouloingne léz Paris et le Bourc la Royne,
dont ceulz de Paris n’estoient mie bien
asseuréz. Car leur ville n’estoit mie bien
fermee adont si doubtoient que les Englois
par leur oultrage ne venissent jusqu’a la.
Adont s’esmut le roy Phelippe et fist abatre
les apentiz de Paris pour chevaucier plus
aisiement parmy les rues. Et se parti de
Paris et vint a Saint Denis, la ou le roy
de Behaingne, messire Jehan de Haynau, le
duc de Lorraine, le conte de Flandres, le
conte de Bloys et tresgrant baronnie et
chevalerie estoient. Quant les gens
de Paris virent le roy leur seigneur
partir, si furent plus effraiéz que devant
et vindrent a lui en eulx gettant a
genoulx et distrent : "Haa, chier sire et noble
roy, que vouléz vous faire? Vouléz vous ainsi
laissier et guerpir la bonne cité de Parispb 97 r