The Online Froissart

Facsimile mode Settings Browse | Collate

Paris? Et si sont les ennemiz a II lieues
pres. Tantost seront en ceste ville quant
ilz saront que vous en seréz partiz et nous
n’avons ne n’arons qui nous defendra
contre eulx. Sire, vueilliés demourer et aidier
a garder vostre bonne cité." Dont respondy
le roy et dist : "Ma bonne gent, ne vous doub
téz de rien. Ja les Englois ne vous approu
cheront de plus pres. Je m’en vois a Saint
Denis devers mes gens d’armes car je
vueil chevaucier contre les Englois et les
combateray comment qu’il soit." Ainsi ra
paisa le roy de France la communauté de la
cité de Paris, qui estoit en grant doubtance
que le roy englois les venist assaillir et
destruire ainsi qu’il avoit fait ceulx de
Caen. Et le roy d’Engleterre se tenoit a
Poissy en l’abbaie des dames en my aoust
et y tint sa solempnité et fist a table en
draps fourréz d’ermine, d’escarlate vermeille,
sans manches.
SHF 1-264 sync Ainsi que le roy d’Engleterre chevauçoit
et aloit son ost trainant, messire
Godefroy de Harecourt, l’un de ses mares
chaux chevauçoit d’autre part d’un costé
et faisoit l’avantgarde atout VC hommes
d’armes et XIIC archiers. Si encontra le
dit messire Godefroy d’aventure grant
foison des bourgois d’Amiens a cheval
et a pié et en grant arroy et riche qui
s’en aloient au mandement du roy Phelippe
vers Paris. Si furent assailliz et combatuz
vistement de lui et de sa route et ceulx
se defendirent asséz vassalment car ilz
estoient grant plenté de bonnes gens
bien arméz et bien ordonnéz et avoient
IIII chevaliers du paÿs d’Amiennois a
cappitaines. Si dura ceste bataille asséz
longuement et en y eut de premiere venue
pluseurs ruéz jus d’un costé et d’autre
mais finablement les Englois obtindrent
la place et furent les diz bourgois desconfiz
et presque tous mors et pris. Et conquis
trent les Englois tout leur charroy et
leur harnois ou il avoit grant foison
de bonnes choses. Car ilz aloient a ce
mandement devers le roy de France moult
estoffeement pour tant qu’ilz n’avoient
esté en grant temps hors de leur cité. Si

en y eut bien des mors sur la place plus de
XIIC. Si retourna le dit messire Godefroy
sur le vespre devers le grant ost du roy
d’Engleterre. Et lui recorda son aventure
dont il fu moult liéz quant il entendy que
la besoingne avoit esté pour ses gens. Si
chevauça le roy avant et entra ou paÿs
de Beauvoisiz ardant et essillant le plat
paÿs ainsi qu’il avoit fait en Normandie.
Si chevauçoit tant en celle maniere qu’il
s’en vint logier en une moult belle et riche
abbaie que on claime Saint Messien et
siet asséz pres de la cité de Beauvais. La se
tint le dit roy une nuit. A l’endemain si
tost qu’il en fu party, il regarda derriere
lui et vit que l’abbaie estoit toute enflam
mee, dont il fu moult courrouciés. Et
dist que ceulx qui avoient fait ces oultrages
oultre sa defence le comparroient chiere
ment. Car le roy avoit defendu sur la
hart que nul ne violast eglise ne boutast
feu en abbaie ne en moustier. Si en fist
pendre jusques a XX de ceulx qui le feu
y avoient boutéz, afin que les autres y
preissent exemple.
SHF 1-265 sync Comment le roy d’Engleterre gasta Beauvoi
siz et vint a Abbeville.
Aprés ce que le roy d’Engleterre se fu
partiz de Saint Messien, il chevau
ça oultre ou paÿs de Beauvoisin et passa
oultre deléz la cité de Beauvais et n’y voult
point assaillir ne arrester ne assegier.
Car il ne voult mie traveillier ses gens
ne alouer son artillerie sans raison. Et
s’en vint ce jour logier a haulte heure
a une ville que on claime Milli en
Biauvoisin. Les II mareschaux de l’ost
passerent si pres de la cité de Beauvais
et des forsbours qu’ilz ne se peurent tenir
qu’ilz n’alassent assaillir et escarmuchier
a ceulx des barrieres. Si partirent leurs
gens en III batailles et assaillirent a
III portes. Et dura cel assaut jusques
a remontee mais petit y gaingnierent
car la cité de Beauvais est forte et bien
fermee et estoit adont gardee de bonnes gens
et de bons arbalestiers. Et si y estoit le dit
evesque, dont la besongne valoit mieulx.
Quant les Englois apparceurent qu’ilz ne pb 97 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.