The Online Froissart

Facsimile mode Settings Browse | Collate

pb 9 r

Du paÿs de Brebant y vindrent le sire de
Dufle, messire Thierry de Walecourt, mesire
Rasse de Gres, mesire Jehan de Cassebeke, mesire
Jehan Pilisre, mesire Giles de Contereble, les
III freres de Harlebeke, mesire Gautier de Haute
berge et pluseurs autres. Des Hesbegnons
y vindrent mesire Jehan li Beaux et mesire Henri,
son frere, mesire Godefroy de La Chappelle, mesire
Hues de Bay, mesire Jehan de Libines, mesire Lambert
du Pelz, mesire Gilebert de Hers. Et si y vindrent
aucuns chevaliers de Cambresis et d’Artois de
leur voulenté pour leurs corps avancier
tant que le dit mesire Jehan de Hainau ot bien
en sa compaignie VC armeures de fer tous
bien estofféz et richement montéz. Aprés es
festes de la Penthecouste vindrent mesire
Guillaume de Juilliers, qui fu depuis duc de Vil
lers aprés le decés de son pere, et mesire Thierry
de Hamsbergue, qui puis fu conte de Los, a
belle compaignie et tout pour acompaignier
le gentil chevalier dessus dit. SHF 1-25 sync Le debat qui fu
entre Hennuiers et Englois a la cité de Bervich.
Le joenne roy d’Engleterre, pour mieux
festoier ces seigneurs et toute leur
compaignie, tint une grant court au jour
de la Trinité a la maison des Freres Meneurs
la ou il et madame sa mere estoient her
bergiés et tenoient leur tinel chascun par
lui. C’est assavoir le roy de ses chevaliers
et la royne de ses dames, dont elle avoit
grant foison o lui. A celle court ot bien
le roy VC chevaliers et en fist XV nouveaux.
Et madame la royne tint sa court et sa
feste ou dortoir et ot bien seans a table LX
dames que elle avoit priees et mandees
pour mieux festoier le dit monsire de Hainau
et ces autres seigneurs. La pot on veoir
grant noblesce de bien servir de grant plenté
de més et d’entremés si estranges et si
desguiséz que on ne les pourroit deviser.
La pot on veoir dames noblement parees
et richement achemees qui eust loisir.
Mais adont ne pot on avoir loisir ne lieu
de danser, ne de plus festoier. Car tantost
aprés disner un grant hustin commença
entre garçons des Hainuiers et les archiers
d’Engleterre qui entre eulx estoient logiés,
pour l’occasion du jeu de déz de quoy grant
mal vint, si comme vous orréz. Car ainssy

comme ces garçons se combatoient a aucuns
des Englois, tous les autres archiers qui
estoient en la ville et ceulz qui estoient herbergiés
en celui fourbourc, furent tantost ensemble a
tous leurs ars appareilliés et se bouterent ou
hahay et navrerent de commencement tout
plain des garçons des Hainuiers, si les couvint
retraire en leurs hostelz. Le plus des chevaliers
et de leurs maistres estoient encore a court qui
de ce ne savoient riens. Et tantost qu’ilz oirent
nouvelles de ce hustin, ilz se trairent au plus
tost qu’ilz porent chascun vers son hostel, qui
pot ens entrer, et qui ne pot il le couvint de
mourer dehors en grant peril. Car ces archiers,
dont ilz estoient bien IIM, avoient le deable ou
corps et traioient esparsement pour tous tuer,
seigneurs et varléz. Et veult on dire et supposer
que c’estoit tout fait, avisé et pourparlé d’aucuns
des amis des Despensiers et du conte d’Arondel,
qui avoient esté miz a fin par monseigneur Jehan de
Hainau, si comme vous avéz oy recorder par
dessus. Si s’en vouloient contrevengier aux
Hainuiers et meismement a monseigneur Jehan de
Hainaut s’ilz peussent et bien s’en mistrent en
paine, si comme vous orréz. Car encore les Englois
et les Englesces de qui les hostelz estoient clooient
et barroient leurs huis et leurs fenestres au
devant des Hainuiers et ne les laissoient ens
entrer. Touteffois il en y ot aucuns qui ren
trerent par derriere en leurs hostelz et se sau
verent moult vistement. Quant ilz furent
arméz ilz n’oserent yssir hors par devant pour
les saiettes. Ains yssirent hors par derriere
par les courtils et rompirent les enclos et
les pausis. Et attendirent l’un l’autre en une place
qui la estoit tant qu’ilz furent bien C ou plus,
bien arméz et bien autant tous desarméz
qui ne pouoient rentrer en leurs hostelz.
Quant ces arméz furent ainsi assembléz, ilz
se hasterent pour secourre les autres compaignons
qui defendoient leurs hostelz en la grant rue
au mieux qu’il pouoient et passerent ces
arméz parmy l’ostel le seigneur d’Engien, qui
avoit grandes portes derriere et devant sur
la grant rue. Et se ferirent esroutement en
ces archiers, du trait y ot grant foison des
Hainuiers navréz et bleciés, et la furent bons
chevaliers mesire Fasterés de Rues, mesire Perceval de
Semeries et mesire Sanses de Boussac. Car ces trois pb 9 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.