pb 11 rinformacion contre ly, maiz le
roy d’Angleterre
estoit son cousin germain, et ne
pouoit bonnement ly escondire
son paÿs, ne a lui
ne a ses gens leurs fraiz paians.
Mais desorezmais il ne feroit plus riens qui deust estre au
desplaisir du
roy.
¶ Le
roy le crut a celle foiz et s’en appaisa a tant. Mais touteffois
le
duc ne layssa
mye pour ce qu’il ne reteinst des gens d’armez en
Brebant et ailleurs par tout ou
il les pouoit avoir, jusques a la somme que couvenanché
avoit au
roy d’Angleterre.
¶ Et quant les seigneurs d’
Angleterre oulrent fait en
partie ce pourquoy ilz estoient
venus, et ilz eulrent passé la mer, ilz se partirent de
Valenchiennes ou ilz tenoient
leurs souverain sejour.
¶ Premierement l’
evesque de Lincolle,
messire Regnault
de
Gobehen et tous les aultrez. Et tant firent qu’ilz vindrent a
Dordrech en Hollande.
Et la monterent en mer pour eschuier le passage de
Kaiant ou les
dessus diz chevaliers
de
Flandres se tenoient en garnison depar le
roy
de France et le
conte de Flandres comme l’en disoit. Et s’en vindrent au
mieulx qu’ilz peurent et au plus couvertement
devers le
roy angloiz qui les rechupt
a grant joye. Et lui recorderent l’estat des
seigneurs depar deça. Et premierement du
duc
de Braibant, du
duc de Guerles, du
conte
de Juilliers, de l’
archevesque de Couloingne, de
monseigneur Jehan de Haynau, du
seigneur
de Fauquemont, et des alyés et accordés a ly. Et a quelle quantité de gens chascun
les devoit servir, et aussi quelle chose chascun devoit avoir.
¶ A ces parolles entendi
le
roy angloiz volentiers disant que ses
gens avoient moult bien exploittié. Mais
trop durement plaingni la mort du
conte de
Haynau cui
fille il avoit espousee. Et
disoit que il avoit perdu en luy ung grant
confort si lui convenoit porter. Et faire a
l’advenant. Encore recorderent ilz au
roy
le convenant de ceulx qui se tenoient a
l’
isle de Gagant, et qui hairioient ses gens
tous les jours. Et comment pour la doubte
d’eulx ilz estoient revenus par
Hollande et avoient grandement eslongié leur chemin.
¶ Lors dit le
roy qu’il y pourroit assés pourveoir de remede
et tost. Si ordonna
assez temprement le
conte de Byson cousin et
monseigneur Gaultier de
Manny, qui ja avoient
fait tant de belles bachelleries en
Escosse que
moult durement en estoit a loze, et avec
aucuns aultrez chevaliers et escuiers d’
Angleterre qu’ilz voulsissent trayre devers
Gagant.
Et combatre
ceulx qui la se tenoient.
¶ Si obeirent au commandement du
roy. Et
firent leurs
pourveances de gens d’armes et d’archiers a
Londres et chargerent leurs
vaisseaulx a
la Tamise.
¶ Quant tous furent appareillés ilz furent environ V
C
armeures de fer et deux mil, si entrerent en leurs naves. Puis desancrerent
et vindrent la premiere nuit gesir a
Gravelines. Et l’endemain ilz
desancrerent
et vindrent devant
Gates.
¶ A la tierce nuyt ilz tirerent les voylles amont, et
prindrent
le parfont. Et nagerent tant en mer qu’ilz vindrent en
Flandres pres
de
Gagant a heure de nonne. Ce fut la nuyt de la Saint Martin en yver l’an
mil
CCC XXXVII.
SHF 1-63 sync
Comment les Flamencs furent
desconfis a l’ysle de Gagant.
Quant les
Angloiz virent la
ville de Gagant ou ilz
tendoient a venir, et
combatre ceulx dedens, ilz se adviserent qu’ilz avoyent le vent et aussi
la maree pour eulx, et que ou nom de Dieu et de
saint George ilz approucheroient
si feroient sonner leurs trompetes, et puis s’armeroient et appareilleroient vassaument
et
ordonneroyent leurs vaisseaulx, et mistrent leurs archiers devant, puis singlerent
fort devers
la
ville, moult bien avoient veues le guettes de
Gagant approuchier
celle
grosse armee. Si supposerent assés que ce estoient
Angloiz pourquoy
ilz s’estoient
tous armés et rengiéz sus les digues et sur les sablons, et mis leurs panons par
pb 11 v