pb 11 vordonnance devant eulx. Et fait entr’eulx de nouveaulx chevaliers jusques
a XVI. Et
pouoient estre environ V
M en tout
comppter bien appers chevalier et compaingnons
hardiz, ainsi qu’i le monstrerent. Et la estoit
messire Guy de Flandres ung bon et
sceur chevalier maiz bastart estoit, le quel
prioit et admonnestoit a tous les compaingnons
de bien faire. Et aussi
estoit la messire Heutres de Halluin, messire Jehan de Rodes,
messire Gilles le Trief fais chevaliers,
messire Symon et messire Jehan de Bruquedent
faiz aussi chevaliers. Et
Pierres d’Anglemoustier et maint aultres escuiers et bachelliers
et appers hommes
d’armes qui moult desiroient la bataille aux
Angloiz, et estoient
tous rengiés
et ordonnés a l’encontre des
Angloiz, n’y ot riens parlementé ne devisé.
Car
les
Angloiz qui moult estoient attallentés d’eulx assaillir et ceulx de deffendre
cryerent leurs crys, et firent traire leurs archiers moult fort et moult roydement.
Et tant
que ceulx qui le
havre deffendoient en furent si ensoingnés que voulsissent
ou non
il les couvint reculler. Et en y oult ad ce premier par ce trayt moult de
mehaingnes. Et ainsi les
Angloiz prindrent terre. Et vindrent a combatre as
haches
as espees et aux glayves les ungs aux aultrez. La ot belles appertises d’armes, et
moult vassaument se combatirent les
Flamencs. Et aussi moult bacheleuresement
les requisdrent les
Angloiz. Et la fut moult bon chevalier le
conte
d’Erby, et s’avancha
de premier si avant qu’il fut abatu a terre. Et la luy
fist
monseigneur Gaultier de Manny bon confort. Car par appertises d’armes il le
releva et hosta de tous perilz, en en
escriant :
Lencastre au
conte d’Erby ! Et lors approuchierent ilz de touttes pars si en
y ot plusieurs
mehaingnes et par especial plus de
Flamencs que d’
Angloiz. Car
les archiers
d’
Angleterre qui continuellement trayoient leur porterent grant
dommage.
SHF 1-64 sync
Comment la ville de Gagant fut
prinse par les Anglois aprés qu’ils Angloiz oulrent
gaaingnee la bataille. Et fut pillee et arse. Et en furent menés les prisonniers dont moult y en
avoit avecques eulx en Angleterre.
A prendre terre ou
havre de Gagant fut la bataille dure et fiere. Car
les
Flamencs qui la estoient, et qui la
ville et le
havre
deffendoient, estoient
plains de grans appertises. Car par ellection le
conte de Flandres les y
avoit mis et establs pour garder ce passage contre les
Angloiz.
Si s’en voulloient
bonnement acquittier et faire leur devoir ainsi qu’ilz firent.
¶ La estoient les chevaliers
et barons d’
Angleterre: premier
le
conte d’Erby, filz au conte Henry de Lencastre
au Tort Col, le
conte de
Sufforch,
messire Regnault de Gobehan, messire Louys de
Beauchamp,
messire Gaultier de Manny, et plusieurs aultrez chevaliers qui tres vassaument
se porterent. Et assaillirent les
Flamencs la ot dure bataille et forte
combatue.
Car ilz estoient main a main. Et la firent les plusieurs maintes belles appertises
d’armes d’un costé et d’autre. Mais finablement les
Angloiz obtindrent la
place.
Et furent les
Flamencs desconfiz et mis en chace, si qu’il en ot plus
de trois mil
mors. Et la fut prins
messire Guy le bastart de Flandres,
et mort messire Durtres
et messire Gilles de Lestref et les deux freres de Briquedent, et plusieurs aultrez qui
estoient environ XXVI chevaliers et escuiers. Et y furent mors en bon convenant
des
Angloiz. Et la fut la
ville prinse, pillee et robee. Et tout l’avoient apporté
et mis
es vaisseaulx avecques les prisonners. Et fut la
ville toutte arse et sans depport
puis
retournerent arriere les
Angloiz en
Angleterre. Et recorderent
au
roy ceste bonne
advanture pour eulx qui moult en fut joyeux quant il le sceut.
Si fist a
messire pb 12 r