pb 16 v"Voulentiers."
¶ Aprés ces parolles ilz entrerent a
la Salle. Et menerent le
roy angloiz en sa
chambre. Puis aprés fust le soupper appareillés qui moult fut beau et
bien ordonné.
¶ A
l’endemain se parti le
roy d’illeuc, et s’en vint a
Haspres. Et la reposa deux jours en attendant
ses gens qui y venoient
dont il venot grant foison tant d’
Angleterre comme d’
Alemaingne.
SHF 1-76 sync
Comme le roy angloiz vint devant
Cambroy et l’assiega de tous pointz.
Quant le
roy angloiz ot esté deux jours a
Haspres, et que ja moult de ses gens furent
passés il s’en parti, et la s’en vint devant
Cambroy de tous poins. Et se loga a
Judiz et
assiega la
cité de Cambroy et de tous pointz et tousjours lui cressoient gens.
¶ Au VI
e jour que le
roy angloiz, et
tous ses seigneurs se furent logiéz, vint le
duc
de Brebant en l’ost moult
estoffement. Et avoit en sa compaignie bien IX
C lances sans
les
aultres armeures de fer dont il avoit grant foison, et se loga devers
Ostrevan sur
l’Escaut. Et la fist faire ung pont pour aller de l’un des osts en l’autre.
¶ Aussi vint
le
jeune conte de Haynau en tresgrant arroy. Et
messire Jehan de Haynault, son oncle. Et se logierent
assés pres du
roy. Et
y furent tous les aultrez seigneurs, comme le
duc de Guerles, le
marquis de
Juillers, le
marquis de Blanquebourgh, le
conte des Mons. Et briefment
tous les aultrez alliéz qui grant foyson estoient.
¶ Tantost que le
duc de Brebant fu
venu au sciege de
Cambray il envoya deffier le
roy de France qui se tenoit a
Compiengne.
De quoy
messire Louys de Tranehan qui tousjours l’avoit excusé, en fut si
desconfis qu’il
en mourut
de deuil comme dit est.
¶ Ce siege durant devant
Cambray ot plusieurs
assaulx,
escarmuches, palleteiz et chevauchiéz. Par coustume
messire Jehan de Haynault et
le
sire de Fauquemont ensembles chevauchoient, dont ilz ardirent et foulerent
durement le
paÿs de Cambresis.
¶ Si vindrent ung jour o toutte leur routte, ou
il y avoit bien V
C lances et mil aultrez combatans au
chastel d’Oysy en
Cambresiz. Si
y livrerent ung tresgrant assault. Et l’eussent prins se ne fussent les bons
chevaliers
et escuiers qui dedens estoient depar le
seigneur de Coucy. Puis
retournerent en
leurs logeis sans aultre chose faire.
SHF 1-77 sync
Comme le conte de Namur servi au
siege le conte de Haynaut son cousin sur l’Empire seullement
protestant de non riens faire au royaulme de France.
Encore ce sciege durant par ung samedi matin vint pardevant
Cambroy messire Guillaume, conte de Haynau, qui moult estoit bachellereux
avecquez
ceulx de son païs, a la
Porte Saint Quentin. Et la lyvra
il grant assault. Et
la fut
Jehan Clandos tres appert qui se jetta entre les barrieres et en
la porta au long
d’unne lance. Et la se combati moult vaillanment contre ung
escuier de
Vermendois
appellé Jehan de Saint Desir. Et la firent eulx plusieurs belles appertises d’armez. Si
ques les
Hennuiers concquirent par force le baille. Et la estoit le
conte de Henau en
tresbon
convenant. Aussi estoient les mareschaulx appelléz
messire Erard de Berthim,
et
messire
Henry d’Antoing. Et aussi tous les aultrez qui pour leurs honneurs si
se advanturoient
tres hardiement.
¶ A une aultre
porte appellee la Porte Robert la estoit le
sire
de Beaumont, le
sire de Fauquemont, le sire d’Anghien et
monseigneur
Gaultier de Mauny avecques leurs gens qui la firent ung tresgrant assault.
Mais
que diraye je plus: se ceulx de dehors fort assailloient vassaument aussi
ceulx de
Cambroy avec les souldouyers que le
roy de France y avoit envoiéz se
deffendoient
vaillanment et par grant advis. Et tant firent que les assaillans n’y concquistrent
riens ainçoiz retournerent bien lasses et bien batus a leurs logeys. Et lors vint le
jeune
conte de Namur servir le
conte de Henau par priere disant que seullement il
se
pb 17 r