pb 18 rtant que parmy les feudurez des
barrieres il vint jusques au bras du dit
messire
Henry qui pour son honneur ne
voulloit mye son glayve laissier aller. Mais quant
l’
abbé tint le bras du
chevalier, il le tira si fort a ly qu’il le coucha es bailles jusques
aux espaulles. Et la le tint a
grant meschief. Et sans faulte l’eust saqué ens les
bailles se elles eussent esté assés ouvertes.
Si vous certiffie que
messire Henry ne
fut mye pour le temps que l’
abbé
le tenoit a son ayse. Car l’
abbé estoit fort et dur, et le
tyroit sans espargnier. Et
d’autre part les chevaliers tyroient contre luy pour le rescourre.
Et dura ce tyreis et luytte tres
longuement. Et tant que
messire Henry fut gresvé
moult durement. Toutteffoiz son
glayve demoura pardevers l’
abbé, qui le garda
depuis moult dignement. Et encores
est en sa salle de
Honnecourt, et y estoit encore
quant je escripsi ce livre.
Et me fut monstré par ung jour que je passoye par la, et
m’en fut recordee la verité, et la
maniere de l’assault et comment il fut fait. Et la les
moingnes le gardoient a grant parement.
SHF 1-81 sync
Comment le roy angloiz se party du
Mont Saint Quentin et tyra vers le paÿs de Tyrasse. Et aprés ses
gens ardirent en passant plusieurs villes ou paÿs de Lannoiz.
Ce jour ot a
Honnecourt moult fier assault. Et dura jusques
au vespre. Et en y ot
plusieurs des assaillans mors et blechiés. Et par especial
messire
Jehan de Haynau y perdy ung chevalier de Hollande appellé messire Hermans.
¶ Quant les
Hennuiers,
Flamens,
Angloiz et
Allemans qui la estoient assaillans virent la bonne volenté de
ceus
de dedens, et qu’ilz n’y pouoient riens conquester, ains estoient batus, navrés et foulléz
ilz se retrahirent arriere sur le soir, et emporterent a leur logeys les blechiéz.
¶ Le
lendemain au matin se departi le
roy angloiz du
Mont Saint Martin et commanda sur
la hart que nul ne feist mal a l’
abbaye.
Si fu son commandement tenu. Puis se vindrent
ce jour logier de haulte heure droit sur le
Mont Saint Quentin. Et la furent en bonne
ordonnance de bataille, et les
pouoient bien veoir
ceulx de Saint Quentin s’ilz voulloient
mais ilz n’avoient nul
talent d’yssir hors de la
ville.
¶ Si vindrent les coureurs
d’
Angleterre courir jusques aux
barrieres et escarmuchier a ceulx qui la se tenoient.
¶ Le
connestable de France, et
messire Charles de Bloys si firent leurs gens mettre
en ordonnance devant les barrieres. Mais quant les
Angloiz qui la estoient comme le
conte de Sufford, le
conte de
Northantonne,
messire Regnault de Gobehan et plusieurs aultrez
en virent la
maniere, ilz s’en retournerent arriere devers le
roy qui se tenoit vers
le
Mont Saint Quentin. Et y furent la logiéz jusqu’a l’endemain prime. Si oulrent les
seigneurs conseil quelle chose ilz feroient. Ou se ilz yroient avant ou
royaume de France,
ou se ilz yroient avant ou
paÿs de la Terasse.
¶ Si fut advisé et conseillé pour
le meilleur. Et par l’advis du
duc de
Brebant qu’ilz se trayroient devers la
Terasse costoiant
Henaut, dont les pourveances leur venoient tous les jours. Et se le
roy
Phlippe
les subjugoit a ost ainsi qu’il supposoit bien qu’il le feroit, ilz l’attendroient en
plains champs.
Et se combatroient a luy sans faulte.
¶ Lors se parti le
roy du
Mont
Saint Quentin et
s’aroutterent touttes ses gens chevauchant en trois batailles moult
ordonneement dont les mareschaulx et les
Allemans avoient la premiere bataille, le
roy angloiz la moyenne. Et le
duc de Brebant
la tierce. Si chevaucherent ainsi
ardans et exillans le païs. Et n’alloyent point
plus de trois ou de quatre lyeues
pour jour et si se lougoient de moult haulte heure.
Et passerent une routte d’
Angloiz et d’
Allemans la
riviere de Somme dessus l’
abbaye de Vermans et entrerent en cellui
païs pb 18 v