pb 18 v
de Vermendoiz et l’assaillirent moult durement, et y firent moult grant
dommage.
Une aultre routte dont
messire Jehan de Henau,
messire Arnoul de
Brakehen,
et le
sire
de Fauquemont estoient chiefs et meneurs. Et chevauchoient ung aultre
chemin si
firent tant que ilz vindrent a
Ougny Sainte Benoiste une ville assés bonne maiz elle est
flebement
fermee. Et fut tantost prinse par assault, pillee et robee. Et une
abbaye de
dames
qui la
estoient viollee
dont ce fut pittié et dommage. Et puis si fut la
ville tantost
arse. Et puis s’en
partirent et chevauchierent le chemin devers
Ribemont. Et le
roy
angloiz s’en vint logier a
Behognes. Et la se tint ung jour tout entier et ses
gens couroyent et ardoyent le païs la environ.
¶ Or vindrent les nouvelles au
roy
angloiz que le
roy de
France estoit parti de
Peronne et les
suifvoyent a plus de Cent
M hommes.
¶ Adont se parti le
roy angloiz de
Behognes, et print
le chemin de
la
Flamenguerie pour venir a
Leschielle en Terasse, et ses mareschaulx avec l’
evesque
de Lincolle passerent la
riviere de Trisauve a plus de V
C lanches, et entrerent ou
paÿs de Launoiz et vers la terre du
seigneur de Coucy. Et ardirent
Saint
Goubain et la
ville
de Marle. Et s’en vindrent ung soir logier a
Baulx dessoubz Lan. Et
l’endemain ilz
se retrayrent devers l’ost. Car ilz estoient adcertenéz par aucuns prisonniers
qu’ilz
avoyent prins, que le
roy de France estoit venu a
Saint Quentin. Et que la passeroit
il la
riviere de Somme. Si se doubterent qu’ilz ne
fussent rencontres. Nonpourquant
a leur retour ilz ardirent
une bonne ville que l’en
appelloit Crecy sur Delle qui point ne
estoit fermee, et a grant foison de villes et hameaulx environ.
¶ Or
parleron de
messire Jehan de Henau et de sa route.
SHF 1-82 sync
Comment le conte de Henault courut
sus le conte de Bloys qui avoit espousee sa fille. Et de l’assault qui fut
fait en ung boys.
En la routte de
messire Jehan de Henau avoit bien V
C combatans. Il s’en vint a
Guise et entra en la
ville,
et la fist toutte ardoir, et abatre les maisons de dedens
la
forteresse qui estoit a
madame Jehanne sa fille, femme au conte de Bloys, qui moult
fut effroyee du
commandement de
son pere. Et luy fist prier que pour Dieu il se voulsist
depporter
et retraire, et qu’il estoit trop durement conseillé quant il ardoit l’iretage
son filz le conte
de Bloys. Mais nonobstant ce le
sire de Beaumont ne s’en voult tenir
tant qu’il
ot faitte l’entreprinse et puis s’en retourna devers l’ost du
roy qui estoit
arresté en
l’
abbaye de Sarnagues. Endementiers ses gens couroyent tout le paÿs. Et
vindrent
bien VI
XX lances dont le
sire de Fauquemont estoit chief
jusques
Louvon
en Terasse, une bonne grosse plate ville. Si estoient les
gens
de la ville communement retrais
et boutéz dedens les boys et y avoient porté leurs biens
a saufveté. Et s’estoient fortifiéz
de reuilliz et de bois couppés et abatus environ eulx. Si
chevaucherent les
Almans celle part et les assaillirent
iceulx de Louvon qui dedens ce boys estoient, lesquieulx
se deffendirent ce qu’ilz peurent. Et ne fut
mye grantment, car ilz ne tindrent point de
conroy si ne peurent longuement durer contre tant
de gens d’armes.
¶ Adont
furent ouvers et leur fort concquis et mis en chasse. Et y en ot bien
que mors que navréz
XL et si perdirent tout ce que la porté avoient. Ainsi
estoit et fut adont ce
paÿs de Terasse couru, et sans deport les
Angloiz en faisoient leur volenté.
¶ Si se parti le
roy anglois de Sarnagues ou il estoit logié, et s’en vint a
Montereul. Et se loga ung soir, et
l’endemain il vint a tout son ost logier a
La Flamenguerie, ou il fist touttes ses
gens
logier environ luy qui estoient plus de XL
M hommes et ot
conseil qu’il attendroit le
roy
Phlippe et son pouoir pour se combatre a luy
comment qu’il fust.
SHF 1-83 sync
Comment le roy de
France
s’appareilla pour combatre le roy d’Angleterre. Et icellui d’aultre part.
pb 19 r