pb 19 r
Le
roy de France qui estoit parti de
Saint
Quentin a tout son plus grant effort de gens,
et tousjours lui croyssoient gens et
venoient de touttes pars et de tout paÿs si
exploita tant par ses journees qu’il vint a Bur En
Fosse. Et la
commanda a touttes gens logier et arrester. Et dit qu’il n’yroit plus avant, tant
qu’il auroit
combatu le
roy angloiz et tous ses alliéz puis qu’il estoit a deux lyeues pres de ly.
¶ Sitrestost que le
conte Guillaume de Henau qui se tenoit au
Quesnoy qui estoit tout pourveu
de gens d’armes pot savoir que le
roy
son oncle de France estoit logié a
Buroufousse en
esperance de
combatre les
Angloiz, il se parti du
Quesnoy a plus de V
C lances. Et tant
chevaucha qu’il vint en l’ost du
roy de France ou il se presenta au
roy son oncle qui ne luy
fist mye si lyé chiere comme
le
conte voulsist bien, pour cause de ce qu’il avoit esté devant
Cambray avecques
son adversaire. Nonpourquant le
conte s’en porta assés
bonnement. Et
se excusa si sagement au
roy son oncle que le
roy et tout
son conseil pour celle foiz s’en
contenterent assés bien. Et fut ordonné du
mareschal Bertran et du
mareschal de Trye a soy logier au plus pres des
Angloiz.
SHF 1-84 sync
Comment le roy angloiz envoya au
roy de France messagiers pour prendre journee.
Or sont ces
deux roys de France et d’Angleterre
logiéz entre
Buroufosse et
la
Flamenguerie en plain paÿs
sans nul avantage. Et ont grant desir comme eulx
monstrent d’eulx combatre. Si vous dy pour
certain que on ne vist oncques
si belle assemblee de seigneurs comme il y ot la. Car le
roy de France estoit lui IIII
e de
roys. Premierement estoient
avecques ly le
roy Charles de Behaingne, le
roy de Navarre,
et le
roy
d’Escosse, des ducz, des contes, des barons et des chevaliers tant que sans nombre.
Et
tousjours luy croissoient gens.
¶ Quant le
roy angloiz fut arresté en
La Champestre
en Tyrasse comment vous avés ouy, et il sceut de verité que le
roy de France son adversaire estoit a deux petites lyeues de ly, et en grant volente de combatre, si
mist les seigneurs de
son ost ensemble.
¶ Premierement le
duc de Brebant son cousin, le
duc de Guellez,
le
marquiz de Juillers, le
marquiz de Blanquebourc, le
conte
de Mons,
messire Jehan de
Henau,
messire Robert d’Artoiz, et tous
les prelatz et barons d’
Angleterre qui avecques
ly estoient et a qui touchoit
bien la besoingne. Et leur demanda comment et a son honneur
ilz se pourroient maintenir. Car
son entencion estoit de combatre puis qu’il sentoit estre
ses ennemys si pres de ly. Lors
regarderent les seigneurs l’un l’autre. Et prierent au
duc de Brebant qu’il en
voulsist dire son entencion. Si respondi le
duc qu’il estoit bien d’acord
qu’ilz
fussent combatus, car aultrement ne se pouoient il departir a leur honneur. Et
conseilla
adoncques que on envoyast heraulx pardevers le
roy de France pour acepter la
journee et la bataille. Si en fut chargié ung herault qui estoit au duc de Guerlez
pour
ce qu’il savoit bien parler franchoiz. Si fu informé de ce que il devoit dire.
¶ Puis
se parti d’illeuc, et vint en l’oost des
Françoiz droyt
au
roy de France et a
son conseil.
Si fist son messaige bien et appoint
disant que le
roy d’Angleterre s’estoit arresté sur les
champs pour attendre la
bataille s’il la requeroit pouoir contre pouoir.
¶ A la
requeste le
roy de France entendi volentiers et accepta le
jour. Si me semble que ce fut
le vendredi ensivant dont il estoit mercredy.
¶ Adont s’en retourna le herault arriere
devers ses seigneurs, bien
revestu de bons manteaulx fourrés que le
roy lui donna pour
les riches nouvelles
qu’il luy avoit apportees. Et leur recorda la bonne chiere que le
roy de France luy
avoit faitte et tous les seigneurs.
SHF 1-85 sync
Comment aucuns chevalliers se partirent de
l’ost de France bien montés pour veoir l’ost des Angloiz
ou l’un fut prins par son cheval.
pb 19 v