pb 20 r
paÿs,
premierement le
sire de Brich, le
sire de Berges, le
sire de Rozelar,
le sire de
Borgnevail, le sire
d’Estonnemor, le sire de Vitain, le sire de Bouquebourg, le
sire
de Cassebech, le
sire de Deuffle,
messire Thierry de
Vallecourt,
messire Rasses de Grés,
messire
Jehan de Cassebecque,
messire Jehan Pilisre,
messire Gille de Totebere,
messire Gaultier
de Hocebergue, les trois freres de Halebergue, et
messire Henry de Flandres qui fait
bien a ramentevoir. Car ilz estoient en grant estoffle et plusieurs barons et
aultrez chevaliers
et aucuns de
Flandres qui s’estoient mis soubz la baniere
du
duc de Brebant, tieulx
comme est le sire de Hallouin,
messire
Hector Villains, messire Jehan de Rodez,
messire
Wafflars de Guistelle, messire Guillaume de
Trastes, messire Gaussouin de la Meulle, et
plusieurs aultrez
tant que le
duc de Brebant avoit bien XXIIII banieres et IIII
XX panons.
Et estoient bien VIII
M combatans tous gens
de bonne estoffe.
¶ La tierche bataille
et la plus grosse avoit le
roy
d’Angleterre et grant foyson de bonnes gens de
son païs deléz luy. Et
premierement
son cousin le conte Henry d’Erby, l’
evesque de Lincolle,
l’
evesque de Duren, le
conte de Salbery, le
conte de Norhantonne
et de Glossesstre, le
conte
de Suffold, le
conte de Breufford,
messire Robert d’Artoiz qui s’appelloit conte de Richemont,
messire Regnault de
Gobehen, le
sire de Persy, le
sire de Ros, le
sire de Mombroy,
messire
Louys et messire Jehan de Beaucamp, le sire de la
Barre, le sire de Lantonne, le sire
Vassot,
monseigneur Gaultier de Manny, messire Hue de
Bastingues, messire Jehan de Lisle, et plusieurs
aultrez que je ne puis mye nommer. Et fist le
roy angloiz plusieurs chevaliers nouveaulx,
entre lesquieulx fu fait
messire Jehan
Chandos, qui depuis de prouesse de chevalerie
fut plus recommandé que nul aultre si
comme vous orrés cy avant en ceste hystoire.
¶ Si avoit le
roy angloiz XXVIII banieres et
environ IIII
XX et dix panons, et
pouoient estre en sa bataille environ
VI
M hommes d’armes et VI
M archiers. Et
avoient mise une aultre bataille mise sur ele, dont le
conte de Warvich, et le
conte
de Pennebroch, le
sire de Bercler et le sire de Milton et plusieurs
aultrez bons chevaliers estoient
chiefs. Si se tenoient ceulx a cheval pour renforchier les
batailles qui bransleroient.
Et estoit en celle arriere garde tous ceulx de cheval.
SHF 1-87 sync
Comment le roy angloys alla veoir
l’ordonnance de ses batailles. Et se recommanda aux seigneurs et aux compaingnons
souldoyers.
Quant tous les
Angloiz et les
Almans et les
Brebenchons, et tous leurs aliéz si
furent ordonnés ainsi que
vous avéz ouy, et chascun seigneur mis en arroy et
arresté dessoubz sa baniere ainsi comme
commandé fut par les mareschaulx,
adoncques monta le
roy angloiz sur
ung petit palleffroy moult bien emblant qui
estoit acompaingné tant seullement de
messire Robert d’Artoys, de
messire Regnault
de Cobehen et de
monseigneur Gaultier de Manny. Et chevaucha devant touttes les batailles
en priant
moult doulcement aux seigneurs et aux compaingnons qu’ilz lui voulsissent aydier
et garder
son honneur. Et chascun ly enconvenancha.
¶ Aprés s’en vint a sa bataille
et se mist en ordonnance ainsi qu’il
appartenoit. Et fist commander que nul n’allast
devant les batailles ne ne se mist devant les
banieres des mareschaulx.
¶ Or vous dirons de l’ordonnance au
roy de France et de ses
batailles qui moult furent
grandes et bien estoffees aussi que nous avons fait de celles des
Angloiz.
Comment le roy de France, Phillipe de Vallois, si
ordonna et mist en arroy ses batailles contre ses ennemys les Anglois qui fut
pour neant.
pb 20 v