pb 22 v
maison dehors Cambroy qui s’appelloit Revugles, laquelle estoit a
messire Jehan de Henau.
Et la gardoit ung
scien filz bastart. Et pouoient estre
avec ly environ XXV compaingnons.
Si furent assailliz ung jour tout entier.
Mais trop bien se deffendirent. Au soir
ceus
de Cambroy se retrahirent en
leur
cité. Menachans a leur departement ceulx de
Revugles.
Et disoient que jamais
n’entendroyent a aultre chose tant que ilz les eussent concquis et la
maison abatue.
¶ Sur ces parolles les compaingnons de
Revugles s’adviserent et
regarderent
la nuyt qu’ilz n’estoient mye assés fors pour eulx tenir contre
ceus de Cambroy puisqu’ilz les avoyent ainsi acueillis. Et ce qui plus les esbahissoit estoit. Car il avoit
si fort
gellé que l’en pouoit bien venir aux murs de la
forteresse par les fossés a pié. Si
oulrent conseil entr’eulx que le meilleur estoit qu’ilz vuidassent si comme s’i firent ilz. Et
trousserent ce qui besoing leur estoit. Et puis boutterent le feu dedens.
¶ A l’endemain
au matin
ceulx de Cambroy la vindrent pour
l’ardoir. Et le
bastart et ses compaingnons
vindrent a
Valenchiennes.
SHF 1-92 sync
De la bataille que fist messire Charles de Manny,
Angloiz, contre I Gascoing
appellé Guillaume la Marchant, chevaliers franchoiz, qui bailla tel coup qu’il percha le dit Manny oultre.
Vous avés bien ouy cy dessus comme
messire Gaultier de Manny
print par prouesse
et par grant fait d’armes le
chastel de Thim l’Evesque, et y mist
son frere
en garnison
appellé
messire Gille Gruard que on dit de Manny. Cilz faisoit maintez
sailliez
sur ceulx de Cambroy et leur portoient plusieurs destourbiers. Et couroient presques
tous les
jours devant les barrieres. En cel estat et en celle doubte les tint ung grant temps et
tant que ung jour au matin ilz s’estoient partis d’icelle garnison
Thim environ VIII
XX armeures de fer avecques luy. Et s’en vint courir jusques aux barrieres
de
Cambroy. La
noyse et le bruit monta tant que plusieurs gens en furent
moult effrayés. Si s’arma le
mieulx qu’il pot chascun. Et monterent a cheval ceulx qui
chevaulx avoient. Et vindrent
a la porte a l’escarmouche qui estoit grant. Et la le dit
messire Gille avoit desja rebouté
ceulx de la ville. Si ressy chascun le mieulx
qu’il pot contre les ennemis. Dont entre les
souldouyers de
Cambrezis avoit
ung
jeune bacheller, appert homme et estoit Gascoing,
appellé Guillaume Marchant.
Icellui yssi hors aux champs monté sur ung bon coursier la
targe au col le glayve au poing,
et armé de touttes pieches, et esperonna tout devant
de grant courage. Et quant
messire
Guillaume de Manny le vit venir vers ly ne desiroit
aultre chose que la jouste, si en fut moult joyeux et
esperonna contre luy moult roydement
et s’entre cousurent de leurs glayves sans espargnier
moult merveilleusement. Si eschey
si bien a
Guillaume Marchant qu’il
consuy
messire Gilles de son glayve. Si qu’il luy percha
la targe et touttes ses
armeures. Si qu’i luy mist le fer dedens le corps tant qu’il le fist
passer de l’autre costé, et
l’abbati jus de son cheval navré a mort.
¶ De ceste jouste
furent les compaingnons moult esbahis, et
ceulx de
Cambroy moult resjouys lors
euxlx se recueillirent ensemble, la ot je vous dy bien moult treffort poingneys
de premiere
venue et plusieurs des ungs et des aultrez abatus par terre. Et
maintez appertises d’armes.
Finablement
ceulx de Cambroy obtindrent la plache
et reboutterent leurs ennemis. Si
qu’il y en ot plusieurs de navrez et les chasserent bien avant.
Puis retindrent
messire
Gilles de Manny ainsi navré qu’il estoit, l’emporterent a
Cambroy a grant joye. Et le firent
tantost resauver et regarder a sa ploye et
bien
meittre appoint.
Et eussent volentiers
veü qu’
ilz fust reschappé maiz il ne pot ains mourut dedens le second jour passé.
¶ Quant il fut mort ilz en oulrent conseil entr’eulx. Si que ilz renvoierent
le corps
devers
ses deux freres,
Jehan et
Tyerry, qui adoncques se tenoient en la garnison de
Bohain
en Ostrevant. Car quoy que le
païs de Henau ne fut point de guerre si se tenoient les
frontieres de
France touttes closes sus leur gardes. Si ordonnerent adoncques
ung serceuil
pb 23 r