pb 23 vlui vindrent
qu’il se traveilloit en vain. Et que les
Franchoiz estoient ja retraiz. Lors
se
retrahy le
conte vers l’
abbaye de Fontenelles qui estoit assés pres de la, ou
madame
sa mere demouroit qui fut toutte essoingnie de luy rappaisier tant estoit
eschaufféz
et yréz. Et disoit bien que cestui arsin de
Haspre il feroit
trempement comparoir au
roy
de France.
¶ Sa dame de mere lui accordoit tout. Et eust volentiers excusé
son frere
le roy Phlippe se elle eust peu. Mais le
conte n’y voulloit point
entendre, ains disoit
qu’il lui falloit regarder comment hastivement il se peust vangier et
aultretant ou plus
ardoir en
France.
¶ Quant le
conte de Haynau ot esté une espace de temps a
Fontenelles il prinst congié de
sa mere et retourna a
Vallenchiennes. Si fist tantost escripre aux
seigneurs et prelatz de
son paÿs
pour avoir conseil de ceste adventure. Et que tous fussent au dit
lieu de
Henau a certain jour qui assigné estoit.
¶ Ces nouvelles s’espandirent parmy
le
paÿs et le sceut assés tost
messire Jehan de Henau qui lors estoit a
Beaumont pensant
et
ymaginant comment il se peust vangier de l’arsin de
sa terre. Si ne fut pas courché
quant il ouy dire le grant desplaisir que on avoit fait au
conte de seullement. Et aussi en
quel desdaing il l’avoit prins. Si monta a cheval, et vint a
Vallenchiennes ou
le
conte
son nepveu estoit.
SHF 1-94 sync
De la responce que fist messire Jehan de
Haynau au conte de Haynau. Et comment il ot agreable le damage que on lui
avoit fait de la partie du roy de France.
Si tost que le
conte vit
messire Jehan son oncle, il vint
contre lui, et ly dit: "
Bel
oncle vostre guerre des
Françoiz est
grandement embelie." "
Sire," respondi le
conte
de Beaumont , "Dieux
en soit loué de vostre dommage seroye je trop courouché, maiz
cecy me vient a grant
plaisance, or avés de l’amour et du service des
Franchoiz que vous
avés
tousjours portés. Or nous fault il faire une chevauchie sur
France." "Vous
dittes voir", dit le
conte, "or regardés de quel costé vous
vouldrez." Si se tindrent
depuis je ne sçay quans jours a
Vallenchiennes.
¶ Et quant le jour de parlement
qui assigné estoit a
Mons en Henau fust venu, ilz y alerent, ou quel fu tout le
conseil du paÿs, le conseil de Hollande et de Zellande. Et la ot plusieurs parolles proposees.
Et voulloient
aucuns barons du
paÿs c’on envoyast suffisans messagiers au
roy de
France assavoir s’il avoit envoyé les souldoyers de
Cambrezis en
Henau ne a quelz
tiltres ceulx l’avoient fait, pour tant c’on n’avoit point deffié le
conte ne
son paÿs maiz aultrez chevaliers estoient la qui voulloient tout le
contraire disant qu’on contrevengast
en telle maniere comme les
Franchoiz
avoient commenché.
¶ En ces parolles devant
dittes ot plusieurs estrifz et debatz. Mais
finablement tout conscideré et ymaginé il
fut conclus qu’ilz ne pouoient honnestement porter
ceste besoingne sans faire guerre
au
roy de France tant pour l’arsin de
Chymay comme pour cestui de
Haspre. Si fu
la ordonné que l’en
deffieroit le
roy de France. Et puis on entreroit on a effort ou
royaume de
France. Et de porter ces deffiances fut pryé et chargié l’
abbé de Crespy
qui estoit pour lors
appellé Thibault. Si furent les lettrez de deffiances escriptes
et seellees du
conte et de
tous les barons et chevaliers du paÿs. En aprés le dit
conte remercia grandement tous ses hommes pour la bonne volenté dont il les vit, car
ilz lui
promistrent ayde, confort et consolacion.
¶ Je n’ay que faire de mener
ceste matiere trop longuement. L’
abbé de
Crespy
se party. Et vint en
France apporter
au
roy de France les
deffiances, qui n’en fist pas trop grant compte, disant que
son
nepveu estoit ung
fol oultragieux, et qu’il marchandoit bien de faire ardoir
tout
son païs. L’
abbé retourna arriere devers le
conte et
son conseil. Et leur compta comme
il
avoit exploittié. Et les responces du
roy de France.
¶ Assés tost aprés si se
pb 24 r