pb 25 rn’y avoit point de deffence, et la
pillerent et puis l’ardirent. Et puis la
ville de
Aubecueil, et
Seigney le Grant et
Seigney le Petit et puis tous les hameaulx et villages de la
environ dont il en y avoit plus de XL.
¶ Ainsi se contrevangierent en ce commenchement
les
Henuiers des dommaiges que on leur avoit faiz tant en la
terre de Chymay comme a
Aspre. Mais depuis les
Franchoiz leur firent chier comparer
si comme vous orrés en
l’ystoire cy aprés.
¶ Depuis ceste chevauchee faitte, le
conte de Henau se retrahy
devers la
ville de Mons, si donna congié a touttes manieres de gens d’armes et les
remercia grandement de leur bon service. Et tant fist que chascun se parti bien content de
luy
puis s’en ralla chascun en son lieu.
¶ Assés tost aprés prinst il volenté au dit
conte de soy aller esbatre
en
Angleterre, et faire certainnes alliances au
roy son serourge pour estre plus fort a sa guerre. Car bien pensoit que la chose ne pouoit ainsi demourer.
Car
le
roy son oncle feroit une chevauchee contre ly si comme il disoit pourquoy il
lui
sembloit bon d’avoir l’alliance aux
Angloiz,
Flamencs,
Brebenchons,
Allemans et aultrez. Si manda le dit
conte
tout
son conseil a
Mons en Henau. Et leur monstra son
entente.
Puis ordonna et institua
monseigneur Jehan de Henau son oncle, a estre maistre
gouverneur de
Henau, de
Hollande et de
Zellande. Et puis se parti de la a privee
mesgnie tant qu’il arriva a
Durdrech en
Hollande et la monta en mer pour arriver en
Angleterre. Or nous
tayrons ung pou des besoingnes au
conte. Et parlerons de celles
de
Henau, et comment grandes advantures advindrent en
son païs endementres qu’il
fu
hors.
SHF 1-98 sync
Comment messire Jehan de Henau
ordonna gens d’armes es chasteaulx et bonnes villes de Henault pour garder
le paÿs.
Vous avés ouy cy dessus comment
messire Jehan de Henau demoura
maistre et gouverneur
de
trois paÿs par l’ordonnance du dit
conte. Si obeirent tous les hommes de
III paÿs a luy comme
a seigneur jusques a tant qu’il revint. Si se tint le dit
messire Jehan
de Henau en la
ville de Mons. Et pourvoyoit le
paÿs biens et suffisanment de bonnes gens
d’armes, et especialment sur les frontieres de
France. Si envoya IIII chevaliers en la
ville de
Vallenchiennes pour conseiller et aydier
la
ville, les bourgoiz et la communauté.
¶ Ces
chevaliers furent le sire d’Antoing, le sire de
Bargin, le sire de Gommeniez et messire Henry de
Huspalice. Et envoya
messire Jehan de Haynau le
senescal de Henau qui s’appelloit messire
Girard de
Berthin atout
cent lances de bonnes gens d’armez, en la
ville de Maubeuge.
Et
aussi le
mareschal de Henau, messire Henry de Vallecourt, en la
ville du Quesnoy, et
le seigneur de Potiellez en la
ville de Landrechiez.
¶ Aprés il mist en la ville de
Bonnethain trois chevaliers
allemans qui tous troiz estoient freres et estoient nommés messire
Courraiz.
Et envoya a
Escaudereuve messire Girard de
Estaussegoyes. Et aussi en la
ville de Envevers le
sire de Fauquemont. Et aussi par
touttes les forteresses de
Henau voire sur les frontieres
de prya et enjoingny
a chascun de ces cappitainnes qu’ilz fussent soingneux pour leurs honneurs
de bien entendre
a ce qui leur estoit carché. Dont chascun lui enconvenancha. Si se trahy
chascun cappittainne
avec ses gens en sa garnison. Et entendirent de remettre en point, garnir
et pourveoir ce dont
il estoit gardiens.
¶ Or retournerons au
roy de France. Et dirons
comme il envoya
une aultre chevauchee de gens d’armes en
Henau pour ardoir et exillier
le
paÿs. Et en fut le
duc de Normendie son ainsné filz chargié et chief de ceste chevauchee.
SHF 1-99 sync
Comment le roy de France envoya
son armee en Henault. Et aussi messagiers devers le pape contre
les Flamencs.
pb 25 v