pb 27 r
Le senescal dessus nommé du paÿs de Henault sceut bien par les espiez que le duc
de Normendie estoit logié a
Saint Quentin, et que ses gens menachoient fort
et durement le
païs de Henau. Avesques ce il sceut bien qu’il s’estoit arresté a Mortéz
dehors la forteresse du
Chastel. Si se advisa en soy meismes que il yroit escarmucher
le dit duc et
resveillier. Si pria aucuns chevaliers ce qu’il en pot avoir qu’ilz voulsissent aller
la ou il les
merroit, lesquieulx lui enconvenanchierent. Si se parti de son chastel
de
Berthin environ LX lances avecques luy seullement, et chevaucherent tant qu’ilz vindrent
a Forestz
a l’yssue de Henau qui estoit pres de Mortéz, la il fist touttes ses gens
arrester
en ung champ. Et leur fist restraindre leurs armeures et ressengler leurs chevaulx.
Et puis leur dit sa pensee et ce qu’il voulloit faire, lesquieulx en furent tous joyeux
disans
qu’ilz ne ly fauldroient mye, dont il les remercia grandement. Et les chevaliers
qui estoient
avecques ly estoient messire Jehan Jaquemés du Sart, mesire Henry de
Hupaliche, messire Oulphars de Guistelles, messire Jehan du Chastellet
et plusieurs aultrez
puis chevauchierent tout coyement tant qu’ilz vindrent a Mortéz. Et se boutterent en
la ville, et ne faisoient les
Françoiz
point de guet. Et descendirent devant ung grant
hostel ou ilz cuidoyent certainnement trouver
le duc de Normendie mais il estoit ailleurs.
Si estoient logiéz leans deux grans seigneurs de Normendie. C’est assavoir le sire de Bailleul
et
le sire de Breauté. Si furent assailliz vassaument. Et la porte de leur hostel brisee.
Quant les deux chevaliers se veïrent ainsi sousprins, et oÿrent crier
Henau au seneschal! si
furent moult esbahis.
Nonpourquant ilz se mistrent a deffence ce qu’ilz peurent,
mais le sire de Briauté
fut prins du senescal, et ot en convent sur sa foy de venir dedens
trois jours tenir prison a
Walenchiennes. Dont se commenchierent
Françoiz a esmouvoir,
a estourmir et allumer grans feux et a resveiller l’un l’autre,
et meismement le duc de
Normendie et le fist l’en armer en grant haste, et apporter
sa baniere devant son hostel.
Et la se tyryoient touttes gens d’armes.
¶ Quant les
Henuiers virent
Franchoiz ainsi esmeus, ilz ne vouldrent plus arrester, et se trayrent tout sagement devers leurs chevaulx.
Et monterent suset se partirent quant ilz se furent mis ensemble. Et emmenerent des
Françoiz jusques a X ou a XII bons prisonniers et
retournerent sans dommage. Car point
ne furent poursuis pour ce qu’il faisoit brun. Et
vindrent environ l’aube du jour au Quesnoy
ou ilz se reposerent. Et puis
vindrent a
Valenchiennes.
¶ Or parlerons du duc de
Normendie qui moult
estoit courché du despit que les
Henuiers luy avoient fait. Si
commanda a
deslogier et entrer en
Henau pour tout ardoir sans nul depport.
¶ A
doncques chevaucherent en arroy les coureurs premiers
qui estoient bien II
C lancez dont
monseigneur Thibault de
Moruel, le Galloiz de la Baume, le sire de Merepoiz estoient
chiefs.
Aprés chevauchoient les deux mareschaulx en grant routte.
Et estoient bien V
C lances.
Aprés ce le duc de Normendie
avecques grant foison de contes, de barons et de chevaliers.
Si entrerent en
Henau lesdiz coureurs et ardirent Forestz, Vertaing, Vendengiez ou Boys,
Vedaigne sus Escallon,
Bermerain, Cabamez, Sebenches, et les faulxbourgs du Quesnoy.
Et se logierent sus la riviere.
¶ A l’endemain ilz passerent et ardirent Esmeval,
Villiers en la Chaucie,
Gommeniez, Aufroy, Propreu le Franchoiz,
Obeyes. Et la
bonne ville de
Bavoy
et tout le païs jusqu’a la riviere de Hommel. Et ot ce jour grant assault au chastel
de
Berthin de la bataille des mareschaulx, mais ilz n’y firent riens. Car ilz furent
bien
recueilliz et le chastel bien gardé. Et s’en vint le duc de Normendie logier sus
la
riviere de Sellez entre Haussy et Saufort.
¶ Or vous parlerons du seigneur de Fauquemont
qui fut ung bon
chevalier d’unne grand appertise d’armes qu’il fist.
SHF 1-104 sync
¶ Messire Waleren de
Fauquemont
estoit cappittainne de la
ville de Maubeuge. Et avoit bien C lances
avecques
pb 27 v