pb 2 rou le
roy
d’Angleterre et la
roynne sa femme se tenoient.
¶ Les quatre dessus
nommés firent assavoir au
roy
d’Angleterre ce pourquoy ilz estoient venus, aussi
de qui ilz se renommoient.
¶ Le
roy d’Angleterre pour l’onneur du
roy de France, son
cousin, les fist venir avant et les rechupt moult honnourablement, et aussi fist
madame la roynne, sa femme, ainsi que bien le savoit faire.
¶ Aprés ilz compterent
leur messages, et furent volentiers ouys.
¶ Adont respondi le
roy qu’il n’avoyt
mye
son conseil
avecques ly, maiz il le manderoit si se retrayssent. Et la il sen seroit
respondu tellement que
bien devroit suffire.
¶ Sur celle parolle devant ditte
quant ilz oulrent disné en la chambre du
roy et de la
roynne moult aysé, ilz se en
partirent, et s’en vindrent ce soir gesir
a
Collebreh et l’endemain a
Londres.
¶ Ne demoura
gueres depuis que le
roy d’Angleterre vint a
Londres a
son palays de Vemoustier.
Et la ot il ung jour qu’il
ordonna
son conseil assembler present lequel les
messagiers
du roy Phlippe
de France furent appellés. Et la remonstrerent ilz pour qouy eulx
estoient venus, et les
lettres qui leur avoient esté baillees du
roy leur seigneur.
¶ Quant ilz oulrent parlé bien et appoint, ilz vindrent hors de la chambre,
et
lors demanda le dit
roy avoir conseil sur ceste requeste.
¶ Il me semble que le
roy fut adont conseillé si et tellement de
respondre: "Voyrement est il ainsi que par
l’ordonnance et stille de ses predicesseurs
roys d’Angleterre et
ducs d’Acquittainne,
qu’il en devoit foy et hommage
et loyaulté faire au
roy de France, ne du contraire,
l’n ne l’oseroit ne ne vouldroit
encontre point conseiller".
¶ A ce conseil et responce
furent arrestés, et les
messagiers de France appellés. Si vindrent derechief a la ditte
chambre de conseil. La parla l’
evesque
de Londres pour le
roy. Et dit: "
Seigneurs qui cy estes
venus depar le
roy de France, vous soyés les bien venus. Nous avons ouyés les vos
parolles et leues vos lettrez et bien examinees a nostre pouoir et conseillés dessus le contenu.
¶ Si vous disons que nous conseillons
monseigneur qui cy est, que il
voyt en
France veoir le dit
roy, son cousin, qui moult
admiablement luy rescript. Et du sourplus de foy
et hommage, la il s’acquitte et face son
devoir, car voirement y est il tenus. Si vous
retrayés en
France et dittes ainsi
au
roy vostre seigneur que
messire le roy d’Angleterre passera par dela
trempement.
Et fera tout ce qu’il doit faire sans nul estrif."
¶ Ceste responce pleut grandement aux
messagiers de France. Et
prindrent congié au
roy et a tout
son conseil. Mais ainçoiz il leur convint
disner au
palays a Wemostier.
Et les festoia la le
roy moult grandement.
Et leur donna au departir pour l’onneur et
amour du
roy de France son cousin
grans dons et beaulx joyaulx. Depuis ce fait
ilz ne sejournerent gueres a
Londres et s’en partirent et exploitterent tant par leurs journees
qu’ilz revindrent en
France et droyttement a
Paris, ou ilz trouverent le
roy Phlippe
a qui ilz compterent touttes leurs nouvelles et comment ilz avoient exploittié. Et quant
ilz
estoient partis du
royaume d’Angleterre, aussi comme grandement et honnourablement
il les avoit receus et a leur departement et congié prendre de luy donne de ses biens.
¶ Adoncques de touttes ces choses et exploys fut grandement content
le
roy Phlippe et dist que moult volentiers il verroit le
roy d’Angleterre son
cousin, car oncques
ne l’avoit veü.
¶ Ces nouvelles s’espandirent parmy le
royaume de France que le
roy
Edouart devoit venir en
France et faire hommage au
roy.
Si s’ordonnerent et si se
appareillerent moult richement et tres poissaument les ducs et contes
de son sang
qui le desiroient a veoir. Et proprement la
roynne de France22 en escripsi au
roy Charles pb 2 v