pb 6 r
Quant le
roy angloiz ot esté et sejourné,
couru et chevauché et arresté ou
ou païs le terme de six moys et de plus, et
il vit que nulz ne vendroit contre
ly pour veoir son emprise il se retrayt tout bellement
pardevers
Berinch.
Mais a son retour il concquist et gaingna le
chastel de Dalquest
qui est de l’iretage
le
conte de Douglas et sciet a V lieues de
Handebourg. Et y ordonna chastellain et
bonnes gardes pour le garder. Et
puis chevaucha a petites journees et fist tant
qu’il s’en revint devant la
bonne cité de
Bervich qui est en l’entree d’
Escosse, et a
l’yssue du
royaume de
Northonbellande. Si l’assiega et l’avironna le
roy de touttes
pars. Et dit que
jamaiz n’en partiroit tant qu’il l’aroit a sa volenté. Non se le
roy
d’Escosse ne le
voulloit combatre et lever par forche. Si se tinst la le
roy ung grant
temps devant
Berinch ainçoiz qu’il le peust avoir. Car la
cité estoit durement
forte et bien
fermee, et environnee delés d’un bras de mer. Et si avoit dedens bonnes
gens en garnison
depar le
roy d’Escosse pour la garder et deffendre et conseiller les
gens de la
cité.
¶ Si vous dys qu’il y oult pardevant la
cité de Berinch pendant le
temps que le
roy y fut maint assault, maint hutin et mainte dure escarmuche et
presque tous les jours
ot mainte appertise d’armes faittes. Car
ceulx de dedens ne se
voulloient pas rendre
simplement. Et cuidoyent tousjours estre reconfortés, maiz de
ce nul apparant n’en fu.
¶ Bien est verité que aucuns preux chevaliers et
bachelereux d’
Escosse
chevauchoient a la foiz et venoient par vespre et par adjournans assaillir
et resveiller l’ost aux
Angloiz, mais petit y faisoient. Car l’ost le
roy angloiz estoit
si
suffisanment gardé et par si belle maniere et si grant advis que les
Escos n’y
pouoient
entrer fors a leur dommage. Et y perdirent souvent de leurs gens.
¶ Quant
ceulx
de Berinch virent qu’ilz ne seroient reconfortés ne secourus de
nulz costés, et aussi
que le
roy angloiz ne partiroit de la tant qu’il aroit fait a sa
volenté et que vivres leur
amenuisoient, et leur estoient clos les pas de mer et de terre par
quoy nul ne leur
en pouoit venir, si commenchierent a traittier devers le
roy anloyz
que il leur
voulsist donner et accorder une tryeuve a durer ung moys. Et se dedens ce moys
le
roy David leur sire ou aultre pour ly ne venoit la si fort qu’il levast le sciege,
ilz rendroient la
cité sauves leurs vies et leurs biens. Et que les souldoyers qui la
dedens estoient s’en pourroient aller se ilz voulloient a
leur paÿs d’Escosse sans recevoir
point de dommage.
¶ Le
roy angloiz et ses conseulx, entendirent a ces traittés et
ne
furent point si tost accordés pour ce que le
roy angloiz les voulloit avoir simplement
pour faire d’aucuns a sa volenté pour tant qu’ilz s’estoient tant tenus. Mais
finablement
il se lassa aller par le bon conseil que il ot de ses hommes. Et aussi
messire
Robert
d’Artoys y rendy grant painne qui avoit esté en ses chevauchies tousdis avec luy.
Et qui luy avoit ja dit et monstré par plusieurs cleres voyes comme prouchain il
estoit
de la
couronne de France dont il se devoit tenir pour heritier par la succession
de
messire Charles, son oncle, roy de France derrain trespassé. Si veist voulentiers le
dit
messire Robert que le dit
roy d’Angleterre esmeust guerre contre le
roy Phlippe et aux
Françoiz pour soy contrevengier des despis que l’en
luy avoit faiz, et que le
roy
angloiz se fust parti d’
Escosse a
quelque meschief que ce fust, et se fust retrait vers
Londres. Siques ces
parolles et plusieurs aultres enclinerent le
roy ad ce que ce traittié
de
Berinch
se passast. Et furent les treves accordees de ceulx de dehors a
ceulx de pb 6 v