pb 6 v
dedens le moys tout acomply. Et signiffierent
ceulx de Bervich a ceulx de leur
costé bien
et a point au
roy d’Escosse leur seigneur et de
leur conseil
qu’ilz ne peurent veoir ne aussi
ymaginer tour pour combatre le
roy angloiz ne lever
le sciege. Si demoura la chose
en cel estat, et fut la
cité de Berinch rendue au chef du moys au
roy
angloiz, et aussi
le
chastel, qui estoit moult bel et moult fort au dehors de la
ditte
cité. Et en pristrent
les mareschaulx de l’ost la saisine et la pocession
depar le
roy angloiz.
¶ Adont
vindrent les
bourgoiz de la ditte cité, en l’ost faire
hommage et feaulté au dit
roy.
Et jurerent et recongnurent la
cité de Berinch de luy.
¶ Aprés y entra le
roy a grant
solempnité de trompes et de
nacaires. Et y sejourna depuis douze jours. Et y
estably ung
chevalier a gardien et a souverain qui s’appelloit
Edouart de Baillouuel.
Et
quant il se parti de
Berinch, il laissa avec le dit
chevalier plusieurs jeunes clers, chevaliers
et escuiers pour aydier a garder la terre concquise sur les
Escos et les
frontieres de
icellui paÿs.
¶ Adont s’en retourna le dit
roy vers
Londres. Et
donna a touttes
manieres de gens congié et s’en alla chascun en son lieu, et il meismes s’en
vint a
Windesore ou le plus volentiers se tenoit. Et
messire Robert
d’Artois avecques ly qui ne cessoit jour
ne nuyt de lui remonstrer quel droit il avoit a
la
couronne de France. Et le
roy si y
entendoit volentiers.
SHF 1-53 sync
Comment le roy d’Angleterre, Edouart, si fist messire Guillaume de Montagu conte de Salsbery. Et Gaultier de Manny chevalier.
Ainsi alla en ce temps de la chevauchee du
roy angloiz
sur les
Escos ou il
gasta et exilla le
paÿs d’Escoce. Et y prindrent
plusieurs foteresses que ses gens
obtindrent sur les
Escos, et principalment
la
bonne cité de Bervich. Et y
estoient demourés depar le
roy angloiz
pour tenir les frontieres plusieurs chevaliers appers
bachellereux et aultrez escuiers. Entre
lesquieulx
monseigneur Guillaume de Montagu et
messire
Gaultier de Manny en sont bien a ramentevoir. Car de la partie aux
Angloiz ces
deux en avoient toutte la huee. Et faisoient sur les Escoss souvent de hardies
chevauchies, des meslees et des hutins, et par usage le plus ylz gaingnoient sur
eulx dont ilz
acquirent depuis grant grace envers le
roy angloiz et devers les
barons
d’Angleterre, et pour mieulx avoir leurs entrees et leurs yssues, et pour maistrier
le
paÿs.
¶ Monseigneur Guillaume de Montagu, qui fut hardis, appert et
entreprenant chevalier
durement fortifia la bastille de
Rosebert sur la marche
d’
Escosse, et en fist ung
bon fort
chastel pour tenir contre tout
homme de quoy le
roy angloiz luy sceut grant gré, et
acquist si grant renommee
et si grant grace en ses entreprinses du
roy Edouart que
le
roy Edouart
le fist
conte de Salbery, et le maria moult haultement et tresnoblement.
Aussi fist
il
messire Gaultier de Manny qui devint en ces chevauchiees chevalier. Et fut
retenu
du
plus secret conseil et moult avanchié en sa court. Et fist le dit
messire
Gaultier tant de belles appertises et de grans fais d’armes si comme vous orrés avant en
l’ystoire, que le livre est moult enluminé de ses prouesses.
¶ Bien est vray que
plusieurs chevaliers d’
Escosse faisoient souvent ennuy aux
Angloiz. Et se tenoient tousdis
pardevers le
sauvage païs d’Escosse entre grandes marés et grandes forestz
la nul
ne les
pouoit suir et suifvoient a la fois les
Angloiz de si pres que tous les jours il y
avoit pouigneys ou hutins. Et tousjours
monseigneur Guillaume de Montagu et
monseigneur
Gaultier de Manny, adont nouvel chevalier, y estoient renommés pour les
mieulx faisans
et les plus adventureux. Et y perdi a ces pouigneys et a ces hutins le dit
messire Guillaume pb 7 r