pb 7 vmenachoient encore grandement
Saintte Eglise et la
crestienté.
¶ De ces nouvelles fut
le
pappe moult courouchié ce fut bien
raison. Car il estoit chief d’
Eglise, a qui tous bons
crestiens se doyvent alyer.
¶ Si prescha le jour du Saint Vendredi presens les
roys
cy
dessus nommés, la digne souffrance de Nostre Sire, et ennorta et remoustra grandement
la croix a prendre pour aller sur les ennemis de Dieu, et si humblement et
doulcement
forma sa predicacion, que le
roy de France meu en grant pitié prinst
la croix et requist
au
Saint Pere qu’il luy voulsist accorder.
¶ Adoncques le
pappe Benedic qui vit la tres
bonne volenté du
roy de France luy accorda benignement, et le conferma par condicion
que il
l’absoulloit de painne et de coulpe vraiz confés et vraiz repentans, le
roy de France premierement. Et tous ceulx qui yroient avec ly.
¶ Adont par tresgrant devocion
pour l’amour du
roy et de luy
tenir compaignie, en ce saint pelerinage, le
roy Charles
de Behaingne, le
roy
de Navarre, et le
roy Pierres d’Arragon la prindrent o grant
foison de ducs,
contes, barons et chevaliers qui la estoient. Et aussi quatre cardinaulx,
le
cardinal de Napples, le
cardinal de Pierregort, le cardinal Blanc, et la
cardinal
d’Ostre. Si fut tantost celle croix preschee par le monde, et
venoient la tous seigneurs
a grant plaisance especialment a ceulx qui voulloient le temps
despenser en armes
et qui adonc ne le savoient bien raisonnablement ou emploier.
¶ Quant le
roy de France et les
roys dessus nommés
oulrent esté ung grant temps devers le
pape, et ilz oulrent
getté et avisé et confermé
la plus grant partie de leurs besoingnes, ilz se partirent
de court et prindrent congié au
Saint Pere. Si s’en alla le
roy d’Arragon en
son païs et
le
roy
de France et la compaingnie s’en vindrent a
Montpellier. Et la furent ilz ung
bien
grant temps. Et fist adoncques le
roy de France une paix, d’une guerre qui se
mouvoit
entre le
roy d’Arragon, et le
roy de Mayogres.
¶ Aprés celle paix faitte il retourna
en
France a petites
journees et a grans despens, visitant ses cités, ses villes, ses chasteaulx
et ses forteresches
dont il avoit sans nombre. Et rappassa parmi
Auvergne, parmi
Berry,
Beausse et parmi
Gastinoys. Et revint a
Paris la ou il fut receu a grant feste.
Adont estoit le
royaume de France
gras, plain et dru. Et les gens riches et poissans de grant
avoir. Ne on n’y savoit parler de
nulle guerre.
SHF 1-55 sync
De l’ordonnance que le roy de France et plusieurs aultrez entreprindrent pour aller sus les Sarrazins qui ne
fut point excecutee pour les Angloiz.
Sur ordonnance de la croix pour aller oultre mer que le
roy de France
avoit emprins
et enchargie, et dont il se faisoit chief, se adviserent plusieurs seigneurs par le
monde et l’emprindrent aussi, les aucuns par grant devocion. Car le
pape si
absoulloit tous ceulx de painne et de coulpe, qui en ce saint voyage yroient.
¶ Si fut
la croix magnifestee et preschee par le monde. Si venoient la
plusieurs chevaliers bien
appoint qui se desiroient a eulx advanchier. Si fist le
roy Phlippe comme de ceste emprinse
chief le plus grant et le plus noble appareil qui oncques
eust esté fait pour aller oultre
mer, ne du temps
Godeffroy de Billon ne
d’autre et avoit retenu et mis en certains pors
de
Marseilles, de
Aigues, de
Narbonne et d’environ
Montpellier telle
quantité de vaisseaus,
de naves, de karraques, de gallees et de barges, que pour porter LX
M hommes d’armes et
touttes leurs pourveances. Et les fist garnir de
bescuit, de vins, de doulces eaues, de
chars sallees, et de toutes aultrez choses neccessaires
pour gens d’armes. Et a si grant
planté que pour durer trois ans se il le
convenoit. Et si envoya ses messagiers pardevers
le
roy de Hongrie qui moult estoit
vaillant. En le priant qu’il se appareille pour recevoir
pb 8 r