Sir Thomas Trevet (c. 1350 - 1388), a Somerset knight, probably the son of Sir John Trivet of Otterhampton. He had served with the Black Prince during the invasion of Castile, and fought at the battle of Nájera in 1367. In March 1378 he had been sent to Aquitaine with a group of men-at-arms to assist his uncle, Sir Matthew Gournay, in the defence of the duchy, but he was diverted to Spain to aid the king of Navarre in 1378. Froissart called Trivet, "a most valiant knight".
chiers sus les camps. Et
vinrent devant I fort que on clamoit Monpin, que Bretons
tenoient. Et en estoit capitaine unsg escuiers de la conté de Fois, qu’on appeloit Tallardon. Sitost
que cez gens d’armes furent la venus, il commenchierent
a assaillir fort et dur. Et fut appertement continués li assaulz. Et
tant que
de force li fors fut pris. Si furent morts touts chil qui dedens estoient, exepté Taillardon,
mes il demora prisonniers. Si fut li castiaux remparéz et rafreschis de nouvellez gens. Et puis passe rent
oultre et vinrent devant I fort que on cla moit Clarelack. Et le tenoient Gascons. Quant ces gens d’armes furent venus, il
assallirent tantost, mais il ne l’eurent mie d’assault ne le premier jour.
Si se logierent. Quant ce vint a l’endemain, il retournerent tout a l’assaut et l’assallirent
de si grant volenté que de force il le prisent. Si furents tout morts chil qui dedens estoient, hormis le capitaine qui estoit bretons bretonnants, et s’appeloit Yvenés
Apprissedi. Chis demora devers les Englés prisonniers. Et fut li castiaus tous ars. Et puis passerent oultre.
Et s’en allerent devant I autre fort qu’on nommoit Besenghen. Et en estoit
cappitaine unsg escuiers gascons qui s’appelloit Rogiers de Morelach. Li Englés furent II jours devant ainchois que il le heussent. Et quant il
l’eurent, ce fut par traictiet. Et s’en partirent
tout chil qui dedens estoient, sains et saufz et sans damage et se retraist cascuns ou il amoit le mieux.
SHF 2-74syncDe ce castiel
vinrent il devant Tasseghen, I castiel seant a III lieuwez de Bayone,
et misent la le siege. Sitost que li Bayonnois sceurent que li castiaux estoit assegiés, il
en furent mout resjois. Et vinrent la au siege bien VC hommes de le ville a lances et a pavais. Et y firent
acariier le plus
grant engien de Bayone. Chil de le
garnison de Tasseghen avoient porté tant de contraires as Baionnois que pour ce les desiroient il mout a tous
destruire. Et jamais ne
les heussent heus, se n’eust esté le sens et l’avis
dez Englés. Avoecq encorez toute leur force, il furent la XV jours ainchois qu’il les peussent avoir. Et quant il l’eurent, ce fut par traictiet. Encorez s’en partirent il sans damage et sus
le conduit et sauveté de messire Thumas Trivet, qui les fist mener et conduire
jusques a Bregerach qui se tenoit fran choise. Si acaterent le castiel chil de Bayone as Englés trois mil frans.
Et puis l’abatirent. Et en fisent mener toute la piere a Bayone, ne onques depuis n’y heut chastel. Si s’en vinrent li Englés rafresquir a Bayone ou il furent recoellits a grant joie. Et heurent toutes coses a leur volentét parmi leurs deniers paians.
SHF 2-75syncLi rois
de Navare, qui se tenoit en la ville de Saint Jehan dou Piet des Pors, estoit dure ment courouchiés de ce que li Englés
sejournoient tant a venir. Car ses païs estoit en tresgrant peril. Et bien vous
di que Panpelune heust esté prise et conquise des Espaignolz, se n’eust esté li sens et la boine garde dou visconte de Chastielbon, qui en estoit cappitaine atout IIC lances de Gascons et Foisois. Mais li sens de lui et la bonne ordonnance le garda de tous
perilz. De la ville de Toulerte en Navare estoit capitaine messires Perducas de Labreth. De la cité de Mirande estoit cappitains li contes de Paillans et avoec lui messires Rogiers, ses frerez. De une autre forte ville en Navare que on
appelloit Arques, estoit cappitainez unsg chevaliers n 3pb 101 v
With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.
chiers sus les camps. Et