repos. Li contes de Flandres entra en ce solier
et se bouta, au plus bellement et souef que il
pot, entre la coute et l’estrain de ce povre li
teron. Et la se quati et fist le petit, faire li
convenoit. Evous ces routiers de Gand qui
routoient, qui entrent en la maison celle po
vre femme. Et avoient, ce disoient aucuns
de leur route, veü I homme entrer ens. Il trou
verent celle povre femme seant a son feu, qui
tenoit son enfant. Tantost il lui demanderent :
"Femme, ou est uns homsme que nous avons veü
entrer seans et puis reclorre l’uis ?" "Et, par ma
foy," dist elle, "je n’y vei de celle nuit entrer
homme ceans, mais j’en yssi, n’a pas granment,
et jectay hors I pou d’eaue, et puis recloy
mon huis. Ne je ne le sçaroie ou mussier, vous
veés toutes les aisemences de ceans. Vela
mon lit, la sus gisent mes enfans." Adont prist
li unsg une chandelle, et monta amont sus
l’eschellecte et bouta sa teste ou solier, et n’y
veit autre chose que le povre litteron des enfans
qui dormoient. Si regarda il bien partout hault
et bas. Adont dist il a ses compaignons : "Alons !
alons ! nous perdons le plus pour le mains.
La povre dist voir, il n’y a ame ceans fors
elle et ses enfans." A ces parolles issirent il hors
de l’hostel de la femme et s’en allerent router autre
part. Onques puis nulz n’y rentra qui mal
y voulsist. Toutesfoiz ces paroles avoit oyes
li contes de Flandrez, qui estoit couchés et catis
en ce povre litteron. Si pouéz bien yma
giner que il fu adont en grant effroy
de sa vie. Quel chose pouoit il la, Dieux,
penser ne ymaginer? Quant au matin,
il pouoit dire : "Je suis li uns des
grans princes dou monde des crestiens,"
et la nuit ensuivant il se trouvoit en
telle petitesse, il pouoit bien dire et yma
giner que les fortunes de ce monde ne
sont pas trop estables. Encores grant
heur pour luy, quant il s’en pouoit