The Online Froissart

Facsimile mode Settings Browse | Collate

pb 211 v

Gap: sampling

SHF 2-313 sync Nous nous souffrirons I petit a parler
de Phelippe d’Artevelle. Et parlerons
dou jovene roy Charle de France, qui
sejournoit a Arras, lequel avoit tresgrant
volenté, et bien le monstroit, d’entrer en Flandres
pour abatre l’orgueil des Flamens, et
tous lez jours lui venoient gens d’armez

de tous costés. Quant li roi heut sejourné
en Arras VIII jours, il s’en parti. Et s’en vint
a Lens en Artois et la fut deux jours. Au tierch
jour de novembre il s’en vint et s’en vint a
Seclin, et la s’arresta. Et furent li seigneurs,
li connestables de France et li mareschal de
Bourgoingne, de France et de Flandres, ensamble
en conseil pour sçavoir comment on s’ordeneroit.
Car on disoit communement en l’ost que c’estoit
cose impossible d’entrer en Flandrez, ou cas
que li passage de la riviere estoient si fort
gardé. Encorez derechief tous les jours il
plouvoit tant que on ne pooit aller avant.
Et disoient li aucun sage dou roiame de France
que c’estoit grans oultrage par tel temps
d’avoir amenet le roi par tel temps si avant
en tel paÿs. Et que on deust bien avoir
attendu jusquez a l’esté pour gherrier en Flandres.
La dist li sires de Clichon, connestable de France,
en conseil : "Je ne me congnois en ce paÿs
de Flandres car onques n’y fus en me vie. On me
die, ceste riviere dou Lis est telle et si male
a passer que on n’y puet trouver passa
ge fors que par les certains pas ?" "Sire, oil,
ne il n’y a nul gué et siet tout son courant
sour marescagez, ou on ne porroit chevau
chier." Dont demanda li connestablez : "Et dont
vient elle d’amont ?" On lui respondi que
elle venoit de devers Aire et Saint Omer. "Puis
que elle a commenchement," dist li connestable,
"nous le passerons bien. Ordonnons noz gens
et lor faisons prendre le chemin de Saint Omer.
Et la passerons nous la riviere a nostre aise
et enterons en Flandres et irons ces
Flamens combatre au lonc dou paÿs
ou qu’il soient, devant Yppre ou ailleurs.
Il sont bien si orghilleux et si outrecuidiet
que il venront contre nous." A ce pourpos
dou connestable s’acordoient tout li marescal pb 212 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.