The Online Froissart

Facsimile mode Settings Browse | Collate

pb 225 v

Gap: sampling

SHF 2-344 sync IIIIXX
Quant che vint le venredi, li roi se
desloga de Rosebecque pour le
punaisie des mors, et fu conseillié
de venir vers Courtray, et lui la rafres
quir. Li Hazele de Flandrez et aucuns
chevalier et escuiers de Flandrez, qui congnis
soient le païs, et environ IIC lances,
le jour de la bataille et desconfiture,
monterent as chevaulx, et vinrent, au ferir
dez esporons a Courtrai, et entrerent

en la ville, car il n’i avoit point de contredit
ne nulle deffence. Les bourgoises et les
femmes povres et riches et pluisieurs hommez
ossi entroient, pour fuir le mort, en celiers
et en eglises, et estoit grant pité de
les veoir. Si heurent chil qui premier vinrent
a Courtray, grant pourfit de pillage, et
depuis il vinrent petit a petit François,
Bretons et toutez gens, et se logoient
ensi comme il venoient, et y entra li roi
le premier jour de decembre. La y heut de
rechief grant occision et persecusion faite,
aval la ville, dez Flamens qui estoient
repus, ne on ne prendoit nullui a merci,
car li François haioient la ville durement
pour une bataille qui fu jadis devant
Courtray, ou li conte Robers d’Artois et
toute la fleur de France fu jadis morte.
Si s’en voloient li sucesseur contrevengier.
Congnissance vint au roy que il avoit en
la grant eglise de Nostre Dame de Courtray
une cappielle, en la quelle il avoit bien
largement VC esporons dorés, et cez
esperons avoient jadis esté dez signeurz
de France qui furent mort a la bataille
de Courtray, l’an mil IIIC et II. Et
en faisoient chil de Courtray tous
lez ans pour le triumphe tresgrant
solemnité, de coi li rois dist que il le
comparroient enssi qu’il fisent, et que
il feroit mettre la ville, en son partement,
en feu et en flamme, si leur souvenroit
ossi ou temps ad venir, comment li roi
de France y aroit esté. ¶ Assés tost aprés ce
que li roi de France et li signeur furent
venu a Courtray, vinrent la jusques
a L lancez de la garnison d’Audenarde,
messires Daniau de Halluin et li autre, veoir
le roy, qui leur fist bonne chiere. Ossi fissent
li seigneur, et, quant il orent la esté pb 226 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.