Philippe, known as 'the Bold', duke of Burgundy (1342 - 1404), fourth son of Jean II of France and Bonne of Luxemburg. The duke of Burgundy was a prominent figure in the government of France during the reign of his nephew Charles VI, especially after 1392 when the king began to suffer from recurring bouts of insanity that gave the dukes of Berry and Burgundy the opportunity to seize power from Charles VI's trusted administrators, known as the Marmousets. Philippe married Margaret de Male, countess of Flanders, and this marriage eventually not only reunited the duchy of Burgundy with the 'free' counties of Burgundy and Artois, but also brought the wealthy counties of Flanders, Nevers and Rethel under the control of the duke of Burgundy. Thus this marriage alliance, and the consequent marriages of the duke of Burgundy's children, created the basis for the Grand Duchy of the West, a quasi-independent state rather than a mere fief of the French crown.
il se departi de Baiviere, il quida certainement que li rois
de France et li rois d’Engleterre deussent avoir en la marce de
Flandrez bataille adre chie ensemble, si com la voixs et renommee couroient adont par toute Alemaigne. Et pour chou l’en sçavoient li rois de France et si oncle plus grant grét. Et estoit ad venut, estant
en ce voiage de Berghez et de Bourbourcq, que li oncle dou roi, ensi que seigneur devisent ensamble, lui avoient demandé mout
amiablement se il avoit nulle fille a marier, et que il convenoit une femme au roi
de France, et plus chier le aroient il a marier en Baiviere que ailleurs. Car li Baivier anchiennement ont toudis esté dou conseil de France. A cez parolles avoit respondu li dus Frederis et dit que nennil. Mais ses frerez aisnés, li dus Estiene de
Baiviere en avoit une belle. "Et de quel eage?" avoient demandé li oncle dou roy. "Entre XIII et XIIII", respondi li dus Federisc. Dont disent
li oncle dou roy : "Ch’est tout ce que il nous fault. Vous retourné en Baiviere, parlés ent a vostre frere, et amenés vostre cousine en pelerinage a Saint Jehan d’Amiens, et li rois sera contre lui. Se il le voit, espoir le goulousera il. Car il voit volentiers toutez bellez femmes et se les ayme. Et se elle li eschiet en cuer, elle sera royne de France." Ensi alloient les premierez convenencez, ne plus
n’y ot dit ne fait. Et n’en sçavoit li rois de France nient que on
heust parlé de son mariage. Et quant li dus Federisc fu retournés en Baiviere, il
remonstra toutes cez parollez a son frere le ducq Estievene de Baiviere, qui
pensa mout longhement sus. Et lui respondi : "Beau frere, je croy mout bien
qu’il soit ensi que vous ditez. Et ma fille seroit bien euwireuse , se elle pooit
escheir ne venir a si haute
honneur comme d’estre roine de France. Mais il y a mout loing de chi et si
y a trop grant regard a faire une roine, et femme de roy. Si seroie trop
courouché se on avoit mené en France ma fille et puis elle me
fust renvoiiee. Je ai assés plus chier que je le marie a mon
aise dalés moy." Che fut la response que li duc
Estienes avoit donnée a son frere. De coi li dusc Federis se contenta assés. Et en avoit auques sour celle fourme escript as
oncles dou roy, a son oncle le duc Aubert et a madame de
Braibant, asquelz il en avoit parlé a son retour. Et cuidoit bien que on heust mis
en noncaloir toutez ces cosez. Et ossi on parloit dou ma riage dou roi ailleurs.
Et se fust li rois assés tost accordés a la fille dou ducq de Lorraine. Car elle estoit mout belle damoiselle et de son eage ou asséz
pres et de grant et noble generacion de ceux de Blois. Et ossi parlé fut de la fille le duc de Lenclastre, qui puis fut roine de Portingal. Mais on n’y pooit
trouver nul bon moien pour leur gherre. Si convint la cose demorer. Or remist sus la
duçoise de Braibant, quant elle fu as mariagez dessus dis de Bourgongne et de Haynnau (et li rois de France et si oncle y furent, li dus de Bourgongne, et li dus de Bourbon),
le mariage de Baiviere et dist bien que c’estoit le plus pourfitable et
le plus honnourable pour la cause dez alliancez qui en pooient venir et descendre des
Alemans, que elle sceuist a present pour le roy. "Voire,
dame," respondirent li oncle dou roy, "mais n’en oons nullez
nouvellez." "Or vous taisiés," dist la duchoise, "et je le
ferai traire avant pb 266 r
With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.