vosissons avoir pitié, merci et misericorde,
et que nostre dit seigneur et nous leur vosissiens
pardonner toutez lez offenses et mesfais
par eulx et leur complicez perpetrés contre
no dit seigneur et nous, aians pité et
compassion de nos dis subgés, par lez
autres lettrez d’icelui nostre sire et le nostres.
Et pour lez causez contenuez en ycelles,
aions remis et pardonné a nos dis subgés
de Gand et leur dis complices les dictez
offensses et mesfais. Et ensi leur aions
confermé leur privileges, franchisez,
coustumes et usages, ou cas que il venront
plainement a obeissance de nostre dit seigneur
et de nous, laquelle grace et pardon
les dis de Gand et leurz complices ont
receu treshumblement de nostre dit seigneur
et de nous. Et par leurz lettres et messagez
solennels en grans nombres que il ont
envoiié devers nous et lez gens de nostre dit
seigneur estans a Tournay, ont renonchié
de bon cuer et se sont retourné a le vraie
obeissance de nostre dit seigneur et de nous.
En prommettant que d’orez en avant
il seront boins et loiaux et vrais subgés
a nostre dit seigneur le roi, comme leur seigneur
souverain, et de nous, comme leur seigneur
naturel, a cause de Margherite nostre compaigne,
et de nous, Margherite, comme leur dame
naturele et hiretiere. Pourcoi nostre dit
seigneur et nous nos dis subgés de Gand
et leurs complicez avons receu en nostre
garde, misericorde et obeissance et donné
lettres de grace, pardon et remission
purement et absolutement, avoecq la
restitucion de leurs privileges, coustumez
et usages, si comme cez cosez et autrez
pueent plus plainement apparoir par
le contenu des dictes lettres. Aprész lesquellez
graces et remissons, nos dis subgés
de nostre dicte bonne ville de Gand nous pb 284 r