de Flandrez, pour occasion dez guerrez,
debas et dissencions dessus dictez, que d’icellez
les feissiens tenir paisiblez, nous leur
avons ottroiet que se aucuns d’eulx estoient
arrestés, comme dit est, nous les aideriens
et conforteriens de nostre pooir contre tous
ceux qui par voie de fait les volroient
grever ou empescher, comme bons sirez
doit faire ses boins subgés. Item, sour
ce qu’il nous ont suppliet que tous
les prisonniers qui ont tenu leur parti,
qui sont detenus par nous ou noz subgéz,
feissiens delivrer, nous avons ordonné
et ordonnons que les dis prisonniers, se
il se sont mis a raenchon, seront delivret,
en paiant leurz raenchons et despens
raisonnablez, parmi che que se aucuns
des dis prisonniers ou de leurz parens
ou amis carnelz tiennent contre nous
aucunez forteressez, il les metteront avant
toute oevre en nostre main. Et pareillement
seront delivrés lez priseniers detenus
par nos dis subgés de Gand ou leurs complicez.
Item, en ampliant nostre dicte grace avons
ordené et ordenons que tous ceux qui pour
occasion dez debas et dissencions qui ont
esté darainement en nostre dit païs de Flandres,
ont esté bannis de nos dictes bonnez villez
de Bruges, d’Ippre et dou paÿs dou Franc
ou d’autrez villez ou lieux de nostre dit
païs de Flandrez, soient remis et
restitués franchement as villez et lieux
desquelz il ont esté banis. Et ossi tous
ceux qui ont esté banis par le justice
et loy de nostre dicte ville de Gand, ou mis
ou jugiés hors loy, ou qui se sont absentés,
seront restitués et polront rentrer en
nostre dicte ville, pourveu que ceux qui
ont tenu la partie, et seront restitués
es villes et lieux, comme dit est, feront pb 284 v