The Online Froissart

Facsimile mode Settings Browse | Collate

pb 285 v

elle soit baillie a son ordinaire et il en prende
pugnicion, comme de paix enfrainte, scelon
ce que le cas le requiert. Item, que ceste
dicte paix d’entre nous et nostre dicte bonne ville
de Gand et leurs complices sera criiee et
publiee solempnelement en icelle ville et en
nos aultres bonnez villez de nostre dit païs
de Flandres. Item, que se aucunez doubtez
ou obscuretés sourvenoient en temps
ad venir sour les articles et poins dessus dis,
circonstancez et dependances d’iceux,
nous lez declarriens et feriens declarer
et interpetrer par nostre conseil raisonna
blement et tellement que tous ceulx
a qui il appertenroit, en deveroient estre
contens. Et nous, eskevin, doien et
communaulté de la dicte ville de Gand,
pour nous et noz complicez avons receu
et recevons humblement les graces, pardons
et clemences dessus dis a nous fais par le roy
Charle, nostre souverain seigneur, et par les
dis. Et par les dis duc et duchoise, conte
et contesse de Flandres, droituriers et na
turelz seigneur et dame. Et des dictes gracez
et pardons remerchions de boins coers
tant que plus poons le roi, nostre souverain
seigneur, et nos dis seigneur et dame. Et prometons
loiaument par nous et nos dis complices
et sour lez paines dessus declaireez tenir,
entretenir et acomplir fermement sans en
fraindre tous lez articles et poins dessus dis,
lesquelz et cascuns d’eux nous avons pour
agreablez. Et ou cas que aucuns volroient
venir a l’encontre, nous promettons a aidier et
pourcachier de tout nostre pooir qu’il soient
pugnis par le fourme et maniere qu’il
appertendra, et mis en la vraie obeissance
dou roy et de nos dis seigneur et dame, comme
dessus est dit. Et renonchons a toutez
alliances, sermens, obligacions, fois et
hommagez que nous ou aucuns de nous
avons fais au roi d’Engleterre ou a ses
commis, gens et deputéz et officiers et a tous
autrez qui ne seroient bienvoellans de
nostre dit souverain seigneur ou de nos dis

naturel seigneur et dame. Item, avons nous
juret et jurons en noz loiautés que d’orez
en avant perpetuelement nous sommes et serons
bons, vrais et loiaus subgés au roi nostre dit
seigneur souverain, et a ses successeurs rois
de France, et a nos dis naturels seigneur
et dame dessus dis, et a leurs successeurs,
contez et contessez de Flandres Gap: wanting nous ferons
les seremens que boins et loiaux subgés
doivent faire a leur droit seigneur, et garde
rons leurz corps et honneurs. En tiesmoing
desquellez cosez nous, ducq et ducesse dessus dis,
avons fait mettre noz seaulx a cez lettrez.
Et nous, eskevins, doyens et communaulté
de la dicte ville de Gand, y avons ossi mis
le grant sel d’icelle ville. Et en oultre
nous, ducq et ducesse dessus dis, avons priet
et requis, prions et requerons a nostre treschiere
et tresamee ante, la ducesse de Braibant et
de Lucembourcq, et a nostre treschier et tresamé
frere le duc Aubert de Baiviere. Et ossi
eschevins, doiens et communauté dessus dicte suplions
as dis treshaus et trespoissans princesse la
duçoise de Lucembourcq et de Braibant, et
a monseigneur le duc Aubert dessus nommé. En oultre
nous, duc et duçoise de Bourgoingne, requerons,
et nous, eschevins, doiens et communautés
de Gand, prions as barons et nobles dou
païs de Flandres chi aprés nommés et as
bonnez villes de Bruges, d’Yppre, au terroit
dou Franc, et as boinez villez de Malinez
et d’Anwiers que pour bien de pais et pour
plus grant sceureté et en tiesmoingnage
de verité de toutes lez cosez dessus dictez
et de cascune d’elles voellent mettre leur
seaux et les seaux des dictez villez a cez presentez.
Et nous, Jehane, par la grace de Dieu
duçoise de Lucembourcq et de Braibant et de
Leembourcq, nous, dus Aubers de Baiviere,
baux, gouverneurs et hiretiers dez paÿs
de Haynnau, de Hollande et de Zellande et de
la seignourie de Frise, nous, Guillaumez,
aisnéz filz dou conte de Namur, seigneur de pb 286 r

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.