SHF 2-38 sync Tantost apriés la mort dou pape Gregoire,
li cardinal se traisent en conclave
ou palais Saint Pierre. Sitost comme il y furent
entrés pour eslire a leur usage qui fust bons
et pourfitables pour l’Eglise, li Rommains se queil
lirent et assemblerent mout efforciement.
Et vinrent ou Bourc Saint Piere. Et estoient
bien la plus de XXXM, c’uns c’autres, tous encora
giés de mal faire, se la cose n’aloit a leur volenté.
Et vinrent pluisieurs fois devant le conclave
et disoient ensi: "O, vous seigneurs cardinalz,
delivrés de faire pape. Car trop vous y
mettés. Et se le faites rommain. Car nous
ne volons autre. Car se aultre vous le faisiés,
li pueples de Romme ne li concille ne le tenroient
point a pape et vous metteréz tous en aventure
de estre mort." Li cardinal, qui estoient ou dan
gier dez Rommains et qui ces paroles entendoient,
n’estoient mie bien aises ne bien assegurs de leurz viez.
Et les apaisoient et abatoient leur ire et
mautalent ce qu’il pooient. Et tant se mou
teplia ceste cose et la felonnie des Rommains que
chil qui le plus prochain estoient dou conclave,
pour doner cremeur as cardinaux et a celle
fin que il descendissent plus tost a leur volenté,
rompirent par leur mauvaiseté le conclave
ou li cardinal estoient et bien cuidierent
lors li cardinalz estre mort. Et s’enfuirent,
li uns cha et l’autre la. Li Rommain ne se tinrent
mie a tant. Mais remisent lez cardinaux
ensamble, volsissent ou non. Et leur disent
que il feroient pape. Li cardinal, qui se
veoient ou dangier des Rommains et en grant
peril, s’en delivrerent pour apaisier le pueple.
Nequedent il le fisent par bonne election d’un
mout saint homme, cardinal et de la nation
romaine, et que Urbains Ves avoit fait
cardinal, et l’appelloit le cardinal Saint Pierre.
Cheste election plaisit grandement as Rommains.
Et ot li preudons tous les drois de papali
té. Mais il ne vesqui que trois jours. Je