Gap: sampling
SHF 1-18 sync
Quant la feste fu passee,
li dis
messire Hues, qui point n’estoit amés,
la endroit fu amenés pardevant la
roine et tous les barons et
chevaliers, qui la estoient
assamblet. La luy furent recordé tout
ses fais par escript, qu’onques ne dist
riens a l’encontre. Siques la endroit
il fu jugiés, par plaine sieute, de tous
les barons et chevaliers, a mort, et a justi
cier, en
tel maniere com vous orés.
Premierement, il fu traynés sor ung
bahut, a
tronpes et a tronpetes, par
toute la
ville de Harfort, de rue
en rue. Et puis fu amenés en une
grande plache, en le
ville, la ou
tous tous li
peuples estoit assamblés. La
endroit fu il loyéz hault sus une
escielle, siques chascuns, petis
et grans
le pooient veoir. Et avoit on fait
en la dite plache I grant feu. Quant
il fu ainsi loiiéz, on li coppa tout premiers
le
vit et les coulles, par tant qu’il estoit
heritez et sodomites, ainsi que on
disoit
meismement del
roy. Et pour
ce avoit dechachiet ly
rois la
roine ensus de li et par son enhort. Quant li vis
et les coulles lui furent coppés, on
les getta ou feu
et furent arssez.
Apprés, on ly fendi le ventre, et ly
osta on tout le ceur et le coralle,
et le getta on ou feu pour ardoir, par
tant qu’il estoit faux de ceur et
traytres et que,
par son traytre
conseil et enhort, ly
roys avoit
honni
son royaulme et mis a meschief,
pb 8 v