pb 2 v
et le filz
et plusieurs aultres que je ne puis maintenant nommer, et qui
bien seront en temps et lieu
ramenteus. Car pour verité dire et soustenir
on doibt bien tenir pour assés preux tous ceux
qui en si creueses batailles et
si perilleuses ont esté veüs et sont demeurés jusques
a la desconfiture
suffisamment faisant leur debvoir.
SHF 1A-1 sync
Chapitre second.
Premierement pour mieulx entrer en matiere de l’honerable et plaisante
histoire
du
noble roy Edouard d’Angleterre, qui fut couronné a
Londres
l’an mil trois cent vingt six, le jour de Noel, au vivant
du
roy son pere et de la
royne sa mere. Certaine chose est que l’oppinion des
Anglois communement est telle, et on l’a veü souvent advenir en
Angleterre puis le temps du
gentil roy Artus, qu’entre deulx vaillants
roys d’Angleterre y en a tousjours eu un moins suffisant de sens et de prouesse. Et cela est
assés
apparent par le
roy Edouard dont je parloie maintenant. Car
vray est que
son
ayeul, qu’on appela le bon roy Edouard, fut
moult preux, vaillant, sage preudhomme,
hardy, tresentreprenant
et bien fortuné en faictz de guerres. Et eut moult
d’affaires contre
les
François et les conquit troys fois ou quatre,
et ne peurent oncques les
Escossois avoir victure n’y
duree
contre luy. Et quant il fut trespassé,
son filz de son premier
mariage, qui fut pere au gentil Edouard roy, fut couronné aprés
luy, qui point ne luy
ressambla de sens ne de prouesse, mais
gouverna et maintint
son royaume s moult sauvagement par le conseil
d’aultruy. Dont depuis il luy mesprit moult
laidement, comme
vous pourréz ouyr s’il vous plaist. Car assés tost aprés
ce qu’il fut
couronné, le
roy Robert le de Breux, qui estoit
roy
d’Escosse, qui avoit si souvent donné affaire au
roy Edouard dessus dict que l’en tenoit pour
bien preux, reconquit toute
Escosse et la
bonne cité de Bervic
avec, et ardit et gasta
grand partie du
royaume d’Angleterre, quatre
journees ou cinq
dedans le païs par deulx fois, et desconfit le
roy et tous
les
barons d’Angleterre en
un lieu en Escosse qu’on
appelle
Esturmelin, par bataille rengee et arrestee. Et dura la chasse
de ceste
desconfiture par deulx jours et par deux nuictz.
Et s’
ensuit le
roy
d’Angletere a moult pou de ses gens jusques
a
Londres. Mais pour ce
que ce n’est mie de nostre matiere
je m’en tairay a tant.
SHF 1A-2 sync Le
roy qui fut pere a ce gentil
Edouard avoit
deulx freres de mariage, l’un
estoit appellé
le
conte Mareschal et estoit de moult sauvage et diverse
Gap: damaged SHF 1B-2 sync Gap: damaged pb 3 r