pb 6 v
Ainsi se departit la
royne d’Angleterre de la
ville
de Valenchiennes, quant elle
et ses gens furent appareilléz de ce qu’il leur falloit, et print
congié
du
gentil conte de Haynnau et
madame Jehanne la contesse, sa femme,
et les remercia humblement et doulcement de la bonne et lye chere, du bel
recueil qu’ilz lui avoient fait. Si se mist a voy sur l’asseurté et conduit
du
gentilhomme
chevalier le dit monseigneur de Beaumont. Si firent tant par leurs
journees qu’ilz
vindrent a
Dourdret en Hollande et la se pourveirent de naves
et de
vaisseaux grans et petiz, ainsi qu’ilz les peurent trouver, et mirent leurs
chevaux, harnois et
leurs provisions. Et quant ilz eurent ven par advis
bon pour eulz, ilz se
commandarent en la garde
de Nostre Seigneur, et entrerent en
leurs vaisseaux, et desancrerent et se mirent en mer, et
n’estoient non
plus de III
C armeures de fier.
¶ Or considerés la haulte entreprinse et hardie
que le
sire de Beaumont
faisoit, que d’aller conquerre et entrer en ung
royaume par force ou il ne
cognoissoit nully, et ne savoit qui y trouveroit. Mais il
faisoit de si grant corage et avoit telle
esperance en Dieu, qu’il lui estoit
advis que bien fourniroit et a son honneur le voiage. Si
estoit il alors
au commancement de son venir, et en la droicte fleur de sa jeunece. Si
l’entreprendroit plus volentiers et plus hardiment.
¶ Or vous nommeray
je aucuns des chevaliers de
Haynnau qui
allerent avoecques lui et a sa priere, en ce
voyage.
¶ Premierement, messire Robert de Bailloel qui fut puis
fleuves de
Fontaines,
messire Fastrés
de Roelz,
messire Miqueux de Ligne, messires Sanses
de Buissoit,
messire Parceval de Puneres, messire Sanses de Biauriu, le
sires de
Wargni, le sires de Floion, le sires de Poitiellez, le sire de Montigny,
le sires de Gomegnies, le
sire d’Aubrecicourt, et aucuns autres
bacheliers, qui
se vouloient aventurer avec le dit
chevalier et leur corps avancer.
Si eut
aucuns
Brebançons et
Hasbegnons, mais ce ne fut
pas gramment. Si sen
glerent par mer et avoient entendu et advisé qu’ilz prendroient terre
a ung port ou ilz avoient entente d’arrester, mais ilz ne peurent. Car ung
grant tourment
les print en mer, qui les mist hors de leur chemin, qu’ilz
ne sceurent dedens deux jours la ou ilz estoient. De quoy Diex leur fit grant grace,
et leur envoia belle
aventure. Car, s’ilz se fussent abatuz a ce port qu’ilz avoient
choisy ou auques pres, ilz
estoient perduz davantage, et encheuz es mains de
leurs ennemys, qui bien savoient leur
venue et les actendoient la endroit
pour les mectre tous a mort et le
jeune roy et
la
royne ossi. Mais Dieu
ne le voult adonc consentir. Si les fit, ainsi que par droit
miracle, destour
ner, ainsi que vous avéz oy.
¶ Or advint que, au chief des deux jours,
ce torment cessa, et veirent
les maronnier terre en
Angleterre. Si se
trairent celle part moult joieux, et
prindrent terre sur le sablon et sur le
rivage de la mer, sans havre ne sans port. Si
demourerent sur le sablon par
tois jours a petit de pourveance de vivres. Et deschargerent leurs
chevaulx
et leurs harnois et si ne savoient en quel endroit d’
Angleterre ilz
estoient
arrivéz, ou
on pouoir d’amys ou d’ennemys.
¶ Au quatriesme jour ilz
se mirent a la voye, a l’aventure de Dieu,
comme ceulx qui avoient eu mesaise de
fain et de froit par nuyt, avec les grans paours qu’ilz
avoient eues et
avoient encores.
¶ Si chevaucherent tant amont et aval d’une part
et d’autre qu’ilz trouverent aucuns
petiz hameletz, et puis aprés si trouverent
une grande abbaie de moynes noirs, que on
clame Saint Aymon. Si
herbergerent et refreschirent en ceste
abbaye trois jours et feirent penser de
pb 7 r