pb 8 rGap: sampling
SHF 1-18 sync
Comment messire Hue le Dispencier
fut exequté cruellement en la presence de la royne et des barons d’Angleterre. Chapitre XVIII.
Quant la feste fut passee, le dit
messire Hues,
qui point n’estoit amé, la endroit fut amené pardevant la
royne et tous
les barons et chevaliers, qui la estoient assembléz.
Et illec lui furent recordéz tous
ses faiz par escript, que
oncques ne dist riens a l’encontre, si que la endroit
il fut jugé, par plaine sieucte de tous les barons et chevaliers a mort et a
justice
en telle maniere que vous orréz.
¶ Premierement, il fut trayné sur ung bahut,
a trompetes par
toute la
ville de Harfort de rue en rue. Et puis fut amené
en une grant
place, en la
ville ou tout le
peuple estoit assemblé,
la endroit fut
il lyé sur une eschelle hault, si que cascun,
petit et grant le pouoit veoir.
pb 8 v