pb 114 rCe
conte avoit avecques lui
ung escuier qui s’appelloit Ponces du Bois,
lequel
l’avoit servi longuement et trop petit avoit prouffité en son service et veoit
que nul prouffit
d’or ne d’argent il n’y pouoit avoir. Si se advisa d’un mauvais
advis qu’il se paieroit. Si fist ung
traictié secret a
Geoffroy Teste Noire, qui se
tenoit en
Limosin, et tant qu’il deust livrer le
chastel
de Ventadour pour six mil
frans. Mais bien mist en ses devises qu’on ne feroit nul mal a
son
maistre le con
te de Ventadour et le mectroient hors de son
chastel debonnairement et lui
rendroient tout son arroy. Ilz lui tindrent celle promesse. Onques les
Bretons ne les
Anglois qui
dedens entrerent, ne firent nul mal au
conte ne a ses gens,
et ne retindrent fors les pourveances
et l’artillerie, dont il y avoit grant foison.
Si s’en vint le
conte de Ventadour et sa femme et ses
enfans, demourer a
Mont
pensier deléz
Aigeperse en
Auvergne, et ce
Geoffrois Teste Noire et ses
gens tin
drent
Ventadour, par lequel ilz adommagerent moult le paÿs et prindrent plu
sieurs
chasteaulx et fors en
Auvergne, en
Limosin, en
Quersin, en
Covaldin, en
Bigorre et en
Agenois,
tout venant l’un de l’autre. Avecques
Geoffroy Teste Noire avoit plusieurs autres capitains qui
faisoient moult de grans apertises d’ar
mes, et print
Aymerigot Marcel, ung escuier de Limosin,
Anglois, le
fort chas
tel de Castuel seant en Auvergne en l’eveschié de Clermont. Cest
Aymerigot
avec
ses compagnons couroient le paÿs a leur voulenté. Si estoit de sa route et
capitainnes des
autres chasteaulx le
bourg de Carlat, le
bourc anglois, Campane
et
Raymenont de Sors, Gascon,
et Pietre de Bearne, le Bearnois.
SHF 2-95 sync
Aymerigot Marcel chevauchoit une foiz, lui XII de compaignons, a l’aven
ture pour
venir a
Aloise deléz Saint Flour, qui est ung beaus chastel de
l’evesque de Clermont. Bien sçavoit
que le chastel n’estoit point gardé fors que
du portier seulement. Ainsi qu’il chevauchoit
couvertement tout coiement
devant
Aloise,
Aymerigot regarde et voit que le portier seoit sur une
tronche
de bois au dehors du chastel. Adonc dist la ung Bretons qui trop bien savoit jouer
de
l’arbaleste : "Vouléz vous que je vous rende tout mort ce portier et tout du pre
mier cop ?"
"Oil," dist
Aymerigot," je t’en pry." Cest arbalestrier entoise et trait ung
quarrel et assene le
portier de droicte vissee en la teste et lui embarre tout dedens.
Le portier qui estoit navré a mort,
se sent feru et rentre en la porte, et cuida re
fermer le guichet, mais il ne peut, car il cheÿ la tout
mors.
Aymerigos et ses com
paignons se hasterent et vindrent a la porte et entrerent ou guichet,
si trouverent
mort le portier et sa femme emprés lui toute effraiee, a laquelle ilz ne firent
nul mal,
mais lui demanderent ou le capitaine estoit. Elle respondit qu’il estoit
a
Clermont. Les
compaignons asseurerent la femme de sa vie, afin qu’elle leur
baillast les clefs du chastel et de la
maistresse tour. Elle le fist, car en elle n’a
voit point de defense. Et puis la mirent hors et lui
rendirent toutes ses choses,
voire ce que porter en peut. Si s’en vint a
Saint Flour, une cité a une
lieue de la,
si furent les gens de la ville bien esbahis, quant ilz sceurent que
Aloise es
toit anglesche,
aussi furent ceulx du paÿs d’environ.
¶ Asséz tost aprés reprint
Aymerigot Marcel le
fort chastel de Valon et l’embla par
eschelement, et quant
il fut dedens, le capitaine dormoit en la grosse tour qui n’estoit mie a
prendre
pb 114 v