pb 219 r
Nous nous souffrerons ung petit a parler de
Phelippe d’Artevelle et parlerons du jeune
roy Charles de France qui sejournoit a
Arras, lequel avoit tres grant voulenté, et bien le monstroit,
d’entrer en
Flandres pour abatre l’orgueil des
Flamens. Et tous
les jours lui venoient gens d’armes
de tous costéz.
¶ Quant le roy eut
sejourné a
Arras huit jours, il s’en partit et s’en vint a
Lens en
Artois,
et
la fut deux jours. Au tiers jour de novembre il s’en vint a
Seclin et s’ares
ta. Et furent les
seigneurs, le connestable de France et les mareschaulx
de Bourgongne, de France et de Flandres
ensamble en conseil pour savoir
comment on se ordonneroit, car on disoit communement en l’ost
que c’estoit
chose impossible d’entrer en
Flandres, ou cas que les passages de la riviere
estoient
si fort gardéz. Encores derechief tous les jours il plouvoit tant
que on ne pouoit aler avant, et
disoient les aucuns sages du
royaume
de France que c’estoit grant oultrage d’avoir amené le roy
par cel temps si
avant en tel paÿs, et que on deust bien avoir actendu jusques a l’esté
pour guerrier
en
Flandres. La dist le sire de Cliçon, connestable de France, en
conseil : "Je ne me congnois en
ce
paÿs de Flandres, car onques n’y fus. Dictes
moy, ceste
riviere du Lis est elle si male a passer
que on n’y peut trouver
passage fors que par les certains pas ?" "Sire, oyl, ne il n’y a nul gué,
et siet
tout son courant sur marescages, ou l’en ne pourroit chevaucher." Lors de
manda le
connestable : "Et dont vient elle d’amont ?" On lui respondit que elle
venoit de devers
Aire et
Saint Omer. "Puisqu’elle a commencement," dist le
connestable, "nous la paserons bien.
Ordonnons nos gens et leur faisons
prendre le chemin de
Saint Omer, et la passerons nous la
riviere a nostre aise et
enterons en
Flandres et yrons ces
Flamens combatre au long du paÿs
ou
qu’ilz soient devant
Ypre ou ailleurs. Ilz sont bien si orguilleux et si oul
trecuidéz qu’ilz venront
contre nous." A ce propos du connestable s’acordoient
tous les mareschaulx, et demourerent en
cel estat celle nuit jusques au len
demain que le sire de Labreth, le
sire de Couci, messire Aymenion
de Pommiers, mes
sire Jehan de Vienne, admiral de France, messire Guillaume de Poictiers,
bastard de
Lengres, le
Begue de Vilaines, messire Raoul de Coucy, le conte de Conversant, le
viconte d’Arsi,
messire Raoul de Raineval, le sire de Sempy, messire Guillaume des
Bordes, le sire
de Sulli, messire Olivier de Claquin, messire Morice de Striquedi, messire
Gui le Baveux, messire
Nicolas Penniel, les deux mareschaulx de France et de Bour
gongne, , messire Loÿs de Censerre
et le seigneur de Blemville, le mareschal de Flan
dres, messire Enguerran d’Enduis, vindrent en la
chambre du connestable de France
pour avoir certain arrest et advis comment on se ordonneroit,
se on passeroit
parmy
Lisle pour aler a
Commines et a
Warneston, ou les pas estoient gardéz,
ou
se on yroit amont vers
la Gorge, le Ventre et
Saint Venant et
Estelles, passer
la la
riviere du Lis.
La eut entre ces seigneurs plusieurs paroles retournees,
et disoient ceulx qui congnoissoient le
paÿx : "Ou tamps de maintenant, certes,
il ne fait nul aler en ce paÿx de Clarembault, en la terre
de Bailleul, en la
chastelle
nie de Cassel, de
Furnes ne de
Bergues." "Et quel chemin tenrons nous
donques?"
pb 219 v