en celle propre nuit la cité de Paris devoit
estre courue et destruite, se Dieu par sa
grace n’y eust mis remede, qui les esveil
la et les avoit inspiré de congnoistre cel
le traison. Quant le peuple qui present
estoit, ot oyes ces nouvelles, fut moult
esbay du peril ou ilz avoient esté. Et en lou
oient les plusieurs Dieu a joinctes mains
de la grace que faite leur avoit. La fu
rent jugiéz a mort par le conseil des preu
deshommes de Paris et par certaine sci
ence tous ceuls qui avoient esté de la
sorte du prevost des marchans, si furent
tous executéz en divers tourmens de
mort. Ces choses faictes et acompliees,
Jehan Maillart, qui grandement estoit en
la grace et amour de la communaulté de Pa
ris et aucuns preudeshommes ahers avec
ques lui envoierent Simon Maillart
et deux maistres de Parlement, maistre
Estienne Alphons et maistre Jehan Pastou
rel, devers le duc de Normandie, qui
se tenoit a Charenton. Ceulx lui recor
derent plainement et veritablement
l’advenue et la mort du dit prevost et de ses
aliéz, dont le dit duc fut moult resjouy.
Et prierent les dessus dis au duc qu’il
voulsist venir a Paris pour conseillier de
la plus grant partie de la ville. Car tous ses
adversaires estoient mors. Le duc res
pondi que si feroit il voulentiers, et se
parti du Pont de Charenton messire Ernoul
d’Andrehen, le seigneur de Roye et aucuns
chevaliers en sa compagnie, et s’en vint dedens
la bonne ville de Paris, ou il fut recueilli
de toutes gens a grant joie, et descendit
adonc au Louvre. La estoit Jehan Maillart
deléz lui, qui grandement estoit en sa gra
ce en en son amour, et a voir dire il l’a
voit bien acquis, si comme vous avéz oy cy
dessus recorder. ¶ Asséz tost aprés man
da le duc de Normandie la duchesse, sa fem
me, et les dames et damoiselles qui se