ot
voulenté aussi de chevauchier ce jour
si fist sonner ses trompetes et armer toutes
ses
gens d’armes tant de cheval comme
de pié et tout traire aux champs et or
donna qui
demourroit en la forteresce puis
chevaucha en grant arroy et bonne or
donnance comme cilz qui bien le savoit faire
et ordonna messire Jehan Ourselles
avec les gens
de pié pour eulx mener et conduire. Aprés
ce ordonna ses coureurs, aussi
avoit
messire Guillaume des Bordes et tant che
vauchierent en celle maniere
de l’un costé
et de l’autre que les coureurs se trouverent
et s’entrechevauchierent de si
pres que les
coureurs anglois virent et adviserent
tout a plain les
Françoys, et aussi les
coureurs françois trouverent et advise
rent et se retrahy chascun a
son costé rappor
tant la verité des ennemis. Lors furent
les deux
capitaines liéz, car ilz avoient
trouvé ce qu’ilz querroient, car ilz desiroi
ent moult
a trouver l’un l’autre. Quant les
deux capitaines orent leurs rappors
de leurs coureurs, chascun recueilli ses
gens bien et sagement et firent desveloper
leurs pennons en approuchant l’un
de l’autre, et estoient les gens de pié anglois
avec les
gens d’armes. Sitost qu’ilz furent
entr’aprouchiéz si pres que a ung trait
d’arc, les
François mirent pié a terre et
aussi firent les
Anglois.
Adonc commen
cierent archiers et arbalestriers a traire fort
et roidement et
gens d’armes approuchier,
les glaives en leurs mains abaissiéz,
rengiéz et serréz si pres
que plus ne pouoient.
Lors s’assemblerent ilz de tous costéz. La commen
cierent a
pousser, a bouter et ferir de glai
ves et de haches et d’espees. La ot dure
bataille forte et
bien combatue. La vit on
gens d’armes esprouver leurs prouesses.
La estoit messire
Guillaume des Bordes armé
de toutes pieces une hache en sa main
et frapoit a dextre et a senestre ce qu’il con
suivoit a plain de cop il ruoit par terre. La
fist
il tant d’armes et de prouesses de
son corps que a tousjours il en doit estre loué
et prisié
et ne demoura mie en lui qu’il
ne mist tous les
Anglois a desconfiture.
D’autre part
messire Jehan Harleston, capitaine
de Chierbourch, se combatoit bien
et vaillam
ment, une hache en sa main, pié avant
autre, et bien y besoignoit car il avoit
a
dure partie a faire et durs combatans.
La ot mainte vaillantise faicte ce jour, maintes
appertises et maintes rescousses. Qui
estoit abatu, s’estoit sans relever. La
ot maint
homme mort et navré et mis
a grant meschief. La fu
messire Jehan
Harleston
porté par terre et en tresgrant
adventure de sa vie, mais par force
d’armes il fut rescoux
et relevé. La ba
taille dura longuement et moult fort
fut combatue bien continuee tant
d’un costé
comme d’autre et ne l’eurent mie les
Anglois davantage. Car
il en y ot plusieurs mors
et navréz et mehaignéz angoisseu
sement, aussi pareillement des
François.
Finablement les
Anglois se combatirent
si
longuement et de si grant cuer qu’ilz obtin
drent la place et furent desconfiz et mors
ou pris, petit s’en sauva de gens d’on
neur. Car ilz s’estoient si fort combatus
et mis
si hors de glaive et de puissance
qu’ilz n’avoient nul pouoir d’eulx partir,
ains vouloient
tous mourir ou vaincre
leurs ennemis. La fut prins messire Guillaume
des Bordes en bon convenant d’un escuier
de Haynault appellé Guillaume de Beau
lieu, appert homme d’armes et qui grant
temps avoit jeü anglois es forteresces
de
Calais et estoit
arrivé de
Trasigni
es. A cestui se rendi doulent et
courroucié
pb 361 v